好人卡太多 所以愛神憐憫我?: 1.3

「喂啊明，琴日有人見到你同個女仔係special room度喎，唔通又去表白？」
講野既係david，我地約左朝早一齊on skype玩l4d
 
「下，邊個講？你地睇錯掛？」我不慌不問咁答
 
當然啦，始終我唔知呀蚊想唔想我地公開嫁嘛..
雖然我地係假既男女朋友.. 但都要尊重下對方..
 
「咁又係，如果你比人再派好人卡的話，我地一定會知既。david你睇住後面，好似有tank係附近。」tommy唔知有心定無意，又狠狠咁插左我一刀
 




「咪就係，講咁多做乜。一陣仲要聽下david d威女史。小心boomer後面！」我笑笑口咁話
 
「打完機再同你分享。今次嗰件就正啦，有肉地又好坐，係差左唔夠緊姐。」david開心share
 
「我唔啦…我一陣約左人…」我講得好似有d掃興
 
「哦，又去番part time? 賺多幾個錢下次表白帶埋d禮物都好既。」tommy又黎插多下，雪上加霜
 
我係度諗，係唔係每個肥仔都係咁樣。
除左每個肥仔個名前面都會比我地加上「死」字，




最痴線嗰下就係成日有意無意咁踩多你幾下，
不過好就好在佢真係真心既，
唔似我地班其他人咁虛偽搏分搏操行。
 
都係唔諗咁多，一陣同呀蚊著咩好呢…
但係問題係我連去邊都唔知…
貿貿然打比人又好似唔係幾好…
唔通去行街？定係去cafe呢？抑或睇戲？
我用我畢生既推理能力去估，最後揀左普普通通既u記加條短褲。
大方得黎又唔會太拘緊，應該ok既…




 
「哈囉呀明！到左好耐？」一把熟悉既聲響起
 
「冇呀，都係岩岩到依度姐。今日去邊呀？」我揮揮手
 
「我想帶你去醫院…」
 
「醫院？」我有d驚訝
去醫院做乜？我咁大個左都係第一次聽人講去醫院拍拖…
 
「嗯…我婆婆想見下你…同埋我媽咪都會在場…所以…」
 
「…」一時三刻我唔知點應好
 
問題黎啦…




既然佢屋企人都會去醫院…
即係我地要響佢地面前扮對恩愛既情人…?
我就應該冇問題既…始終我對呀蚊真係有feel。
與其話係做戲，不如話做番自己。
但係，咁呀蚊呢…
 
「放心…其實呢我呀媽你都識…唔洗怕既…」呀蚊微笑起上黎真係幾殺食下，仲要有兩個小酒窩既加持，更加有幾分可愛既氣息
 
「我識…? 」
 
究竟佢媽咪係邊個？
如果佢媽咪我都識的話…
唔通將會有更多人知道我同呀蚊既關係？
即係話…
我地內裡雖然係假男女朋友…




但就要喺其他人面前扮成真既一樣…
哇…會唔會激左d…