因為EX 我成為左一個禿頭嘅毒撚 然後遇到一隻猫: 40. 往事(一)
事後，我地相擁而卧。
因為岩岩知道左衣次唔係Leanne嘅第一次，我有少少失落，但細心諗其實都好正常，試問衣個世界邊有男人見到Leanne會忍得住? 既然已成事實所以我都無再諗落去，不過突然間咁又撩返起我嘅好奇心到底果陣Leanne個男朋友係咩人，而衣個其實係無論邊個世界嘅我都想知嘅疑問。
「Leanne，其實我一直好想問你一個問題。」
「嗯?」Leanne有d疲累合上眼攬住我應左一聲。
「其實當年你個男朋友係咩人黎? 」我問出我多年黎嘅疑問。
「你…介意岩岩唔係我第一次? 」Leanne立刻張開左眼略帶擔心咁問。
不得不認同女人真係好sensitive，直覺亦好準。
「傻啦，點會呢，我自己都唔係第一次…」我當然唔會認以免傷到對方嘅心，事實上我都無資格。
「你地男人係咪真係有處女情義結?」Leanne仍然有d唔放心問。
「或者因為男人傳統上佔有慾普遍比較強所以總係想對方嘅第一次係屬於自己掛?」我嘗試用理性去分析。
「真係唔公平!你地男人幾十個女人就得，女人有第二個男人就已經唔得…」Leanne就埋怨世界嘅唔公平。
「衣個係傳統上嘅問題啫，我真係無介意呀，最多都只可以話係一個遺憾你嘅第一次唔係同我…」而我只好將真實感受講佢聽。
「自私精!」Leanne就對衣個講法嗤之以鼻。
「換個角度睇，其實即係我著緊你重視你，所以會呷醋啫…」我再用另一個角度去幫自己解釋。
「咁講就好聽d…」而Leanne聽完感覺好似真係舒服左d。
「咁你可唔可以話我聽?」唔想再糾結衣個topic所以我追問。
「其實同你一樣，我初初都完全無諗過自己對佢會有感覺，因為佢當時比我嘅印象並唔係好，甚至係差添…」Leanne亦開始進入佢嘅回憶mode。
原來Leanne個Ex叫Henry，係Leanne嘅大學同學。
「匿埋眼啦。」就係Leanne喺下面開始講佢同佢ex嘅故仔果陣，貓仙人突然叫我合埋眼。
「點解?」我有少少不滿佢騷擾我聽Leanne嘅自述。
「照做你咪知囉。」但貓仙人無理我嘅不滿。
於是我嘅視線就依依不捨咁由Leanne身上變成漆黑一片，但好快我又開始見到唔同嘅影象，畫面變成左係中大，然後一個男人出現左係我眼前。
「我其實仲有一個能力，就係可以幫你進入其他人嘅思想入面睇佢諗緊咩。」衣個時候貓仙人嘅聲音係我耳邊響起。
「咁你真係好犀利喎!」我由衷佩服。
「一開始我已經同你講左架啦，所以你要好好尊敬我! 不過衣個能力我唔會亂用，只係咁岩衣個女仔回憶緊當時嘅畫面，所以比你見識下我嘅厲害之餘亦等你代入感可以強d。」貓仙人略帶驕傲咁解釋。
「多謝你呀! 放心，我對你絕對有無比嘅尊敬! 係我心目中，你係至勁至值得尊敬嘅貓仙人!」於是我一邊奉承貓仙人，一邊繼續代入Leanne嘅回憶入面。
衣個Henry外型都幾好，高大樣又唔差，仲留有一頭長髮，不過比Leanne嘅第一感覺就絕對係一個爛佬，甚至係fuck boy。因為佢把口真係好爛，成日講粗口，又目中無人講野有d囂張，而且身邊好似總係有唔同嘅MK妹圍住佢轉咁，所以Leanne一開始對佢其實都真係有少少敬而遠之。
不過有時有d野係要黎就點都避唔到，一次group project，佢地就咁岩被編埋左係同一組。因為外表出眾，Leanne一直其實都係一個註定被人寵愛嘅角色。其他男同學或者組員無一個對佢唔係特別好或者照顧有加，講野又超級gentleman。但衣個Henry就偏偏係例外。佢對Leanne從來都係照樣呼呼喝喝，亦唔會對佢巧言令色，不時仲會寸下佢。其他男組員好多時都睇唔過眼又乘機想做個英雄救美嘅角色加下分數，所以會對Henry還擊，結果最後大家都只係鬧到不歡而散。
不過咁雖然令Leanne對Henry更加反感，但同時間佢亦帶左一種新鮮感同好奇心比Leanne，因為一直以黎佢真係從未被其他異性惡言相向過，個個男仔對佢都只鬥好。而或者係緣份啦，一次機綠巧合下，Henry比Leanne發現左佢原來有另外嘅一面。
有一日當Leanne正自己閒逛商場嘅時候，突然見到Henry正係間玩具店度拖住左個小妹妹，態度仲非常之親匿。初初Leanne仲懷疑Henry會唔會變態到小朋友都攪，不過睇下睇下就發現佢買左份小妹妹自己揀嘅禮物比佢，然後小妹妹就好開心咁一邊繼續拖住Henry一邊彈下彈下咁跳出左鋪頭。好奇心軀使下，Leanne繼續跟住佢地然後又發現Henry帶左佢去麥當勞食野。無聊嘅Leanne就叫左杯奶昔然後繼續係遠距離觀察佢地，之後佢發現Henry除左買野食比小妹妹外仲好細心咁照顧佢，見小妹妹個嘴邊污漕左仲會拎紙巾幫佢清潔。
如果唔係佢個樣以及外形同Henry真係一樣，Leanne絕對會懷疑自己係咪認錯人，因為眼前衣個Henry同平時佢見果個實在相差太遠。不過直覺話比Leanne聽Henry對小妹妹果種係溺愛而唔係佢一開始諗果種變態野。如果佢無估錯，衣位小妹妹應該係佢阿妹或者親戚之類。為左滿足衣個好奇心，Leanne終於忍唔住走左埋去。
「Henry，咁岩嘅?」
Henry見到Leanne有d愕然然後又有d尷尬唔知點應好。
「阿哥，衣位姐姐好靚呀，係你朋友黎架?」不過小妹妹天真嘅問題就幫佢解左圍。
「係呀，佢係阿哥個大學同學，你叫姐姐啦。」Henry即刻換左一個笑臉答小妹妹。
「姐姐你好~」小妹妹好可愛咁叫Leanne。
「乖~ 你叫咩名呀?」Leanne都報以親切嘅笑容問道。
小妹妹:「我叫晴晴呀，你呢?」
Leanne:「我叫Leanne~」
小妹妹:「Leanne姐姐好~」
「晴晴真係好乖喎，你繼續食啦，姐姐唔阻你先喇~」已經知道妹妹嘅身份，Leanne就打算撤退。
「哥哥你駛唔駛同姐姐傾陣偈? 我可以自己係度食一陣野唔駛理我架~」點知小妹妹好識諗咁問。
「唔駛啦晴晴，哥哥同佢唔係好熟架咋~」而Henry嘅回應係咁。
「哈哈，咁先似返我識嘅你，咁就唔阻你地喇~ 晴晴拜拜~」衣一刻Leanne終於可以肯定衣個Henry就係佢平時識果個Henry。
「姐姐你唔好誤會哥哥啦，佢好好人好錫我地架…」或者察覺到Leanne語氣有d不善，晴晴竟然突然捉住佢講。
「晴晴唔駛理佢架，我地唔好阻住姐姐啦。你快D走啦拜拜…」Herny同妹妹講完後就催Leanne快d走。
本身Leanne都真係諗住走，但晴晴嘅說話又令佢對Herny產生左更大嘅好奇。從Henry對晴晴嘅態度加上晴晴嘅說話，Leanne相信Henry真係好錫佢個妹。佢不禁疑問到底真正嘅Henry係一個點嘅人? 莫非乞人憎嘅佢背後其實係一個心地善良嘅好人? 佢之所以攪到自己咁衰格係有苦衷? 聽到Henry催自己走，再諗起對方之前對自己嘅態度一直都好衰，Leanne決定要襯機整一整蠱返佢，佢想我走我偏唔走果種。
「係? 咁晴晴不如話我聽哥哥點好法，平時佢點對你地?」Leanne改變主意轉個頭問晴晴。
「哥哥成日帶我出去玩同買禮物氹我，平時又會教我做功課~ 仲有呀，佢知媽咪做野辛苦，自己會幫手打工分擔我地嘅生活費同佢讀大學嘅學費。知道媽咪身體唔好佢平時都有陪媽咪去睇醫生覆診架。姐姐你唔鍾意哥哥咩?」晴晴一臉自豪咁講。
Henry係側邊想制止晴晴但又唔敢喝止佢，個表情有咁尷尬得咁尷尬。
聽於晴晴的解說，Leanne別有深意咁打量住Henry，然後又轉個頭同晴晴講
「咁你哥哥真係對你地好好，好錫你地喎~ 放心啦，姐姐無唔鍾意你哥哥，黎緊仲好想同佢做好朋友添~ 係唔知你哥哥肯唔肯呢?」Leanne帶少少百厭咁講。
「哥哥點會唔肯呢? 佢平時都好鍾意同d靚靚姐姐做朋友架~ 哥哥你話肯唔肯?」晴晴講完轉個頭去問Herny。
「肯肯肯…」Henry尷尬答道。
見到Henry個尷尬樣Leanne真係好心涼，但突然間又覺得佢無之前咁討厭。
晴晴:「咁就好lu~」
之後Leanne都無再逗留然後就離開左。直至第二日係學校放學後佢專登襯無人叫住左Henry。