因為EX 我成為左一個禿頭嘅毒撚 然後遇到一隻猫: 39. 夢寐以求
雖然大家都決定左要錯落去，但頭果幾日大家其實不時都仍會有內疚感，亦唔太習慣大家衣種關係。但隨住時間令大家慢慢適應左，衣種感覺就變得越黎越輕，而我同Leanne亦愛得越黎越投入。你有無幻想過追到自己單戀左好耐嘅女神會點? 果陣真係每分鐘都好似忍唔住想笑咁，連行步路都覺得特別輕快，果種滿足感同喜悅，我都唔識用筆墨去形容。 (其實最主要係因為作者無咁嘅運氣可以親身感受一下，所以只可以靠自我幻想去填補果種感覺…)
每日甜蜜嘅message，間中又可以拖住甚至攬住Leanne遊覧唔同嘅風景，令我無時無刻都好似飲醉酒然後沉醉於夢境之中咁。
不過係夢境過左段時間適應左後我發現我又開始有少少唔滿足於現狀，覺得自己同Leanne嘅關係總係仲爭d好重要嘅野咁，我想再進一步同女神一齊攀登仙境。於是把握住一次同佢食完晚飯送佢返到屋企樓下，我終於忍唔住探試咁問
「我可唔可以上黎坐下呀?」
Leanne有d愕然，又有d猶豫。
「唔方便就由佢啦~」見Leanne猶豫我好驚佢會唔開心又或者會因為咁而討厭我，所以好快又補返句然後就打算轉身走人。
「唔係呀… 不過間屋好亂，你唔介意都可以上黎坐一陣嘅…」Leanne同樣可能驚我唔開心，所以見我想走就捉住我講道。
「可以睇下女神間屋點會介意呢~ 而且我唔信你間屋會亂囉~」
於是我就第一次上左女神屋企。
女神同婆婆一直住係一間居屋，唔算大亦比較舊，不過一如我所料入面好整齊，一d都唔似Leanne頭先所講有任何亂嘅感覺。
「好整齊呀，邊度亂呀~」我取笑道。
「亂呀，不過亂d位你唔知啫… 你隨便坐我斟杯水比你呀。」Leanne有d尷尬隨口亂答然後就走左入廚房。
「唔該~」而我亦無再繼續糾纏以免大家難堪然後就坐左係梳化周圍望下。
佢拎左杯水比我後大家就有d尷尬咁一齊坐左係梳化無出聲。
「不如搵套netflix睇下?」我提議。
「好呀。」
於是我就求其揀左套愛情片開黎睇，然後無耐就慢慢靠近Leanne攬住左佢咁睇。好唔容易等到男女主角有親熱鏡頭，我就乘機亦都嘴落Leanne個嘴度。Leanne無拒絕，略帶羞澀咁回應住我，然後間房就越錫越熱，我隻手亦都開始越黎越唔規矩。
「唔好啦… 再係咁就返唔到轉頭架喇…」然後Leanne有刻突然清醒左，用佢隻手制止左我隻手咁講。
「我咁鍾意你本身就點都返唔到轉頭架喇… Leanne，我想同你可以再close d呀…」我停低左所有動作，但口就表示希望可以同佢更進一步。
「但你咁就係真真正正咁出左軌架喇…」Leanne仍然想阻止。
「衣家咁又有分別咩? 我地只係得返三個幾月嘅時間咋… 如果衣段時間我地唔可以全心全意咁去愛大家，咁第日我地一樣會有遺憾架…」我繼續說服女神。
聽到我地只係得返三個幾月，Leanne明顯動搖左，阻止我果隻手亦無再點用力。
「Leanne，我愛你… 真係好愛好愛你…」知佢動搖緊，我更加落力去氹佢，雙手再次將佢攬實。
「你… 真係諗清楚?唔會後悔?有d野發生左就真係返唔到轉頭…」Leanne盡最後努力問道。
「選擇得同你一齊，我就唔會再後悔，反而唔可以真正咁擁有你我先一定會後悔…」我抱得佢更加大力，講完就開始不斷咁錫佢塊面同頸，希望可以透過咁令佢稍為意亂情迷唔好再咁理性。
「抱我入房…我唔想係衣度…」Leanne無再阻止我，然後隔左陣佢就細細聲講道。
我聽到佢親口開緣燈，立刻就公主抱咁張佢抱左入房。然後無耐，我曾經每日朝思暮想嘅女神完美無瑕嘅胴體就咁完全暴露左係我眼前。果刻我仲略帶幻想咁諗Leanne其實會唔會仲係處女無比之前條仔攪過? 如果佢嘅第一次係屬於我咁我就真係死而無憾喇…
「Leanne你真係好靚…」我一邊欣賞一邊講道。
「真係嘅?」無一個女仔會唔鍾意自己嘅情人讚自己，Leanne亦唔例外。
「到衣刻我仍然唔敢相信我咁好彩可以得到你嘅垂青…」我望住佢深情講道。
「如果你早兩個月問我我都覺得根本係無可能…」而Leanne亦略帶怕醜咁講。
避免大家諗起d掃興同唔開心嘅野，我無再講野然後俯身就錫落Leanne個嘴度。Leanne好快亦都收斂心神然後一邊錫一邊攬實左我。不斷撫摸住佢全身近乎完美無瑕嘅白滑身軀，我感受到前戲都差唔多佢個身體應該亦已經ready，如是我就落左床喺自己已經除左係地下側邊條褲個銀包入面拎左個避孕套出黎然後幫自己立刻戴上。
「你果然一早已經計劃好!」Leanne見到我衣個舉動後有d不滿打左我一拳然後講。
「我份人一向都比較居安思危，會預備好應付任何突發嘅情況啫…」我有d尷尬咁回應。
「即係你成日都預備好同女仔上床啦!」Leanne不滿講度。
「唔係…而係自從以前有次同女朋友情到濃時發現無套好尷尬又掃興，自此我都會keep一個係身啫…衣個其實都放左係銀包好耐一直無用架…」我嘗試解釋。
「你… 會唔會得到左我後就唔鍾意我?」我知我嘅說話一定令Leanne又諗起我嘅身份。
「唔會，我發誓一定唔會，相反只會令我更加鍾意你同愛惜你，因為我地變得更加親密，更加不分彼此。」我繼續完全唔面紅咁講衣d肉麻到痺嘅老土說話。
聽到我講後Leanne終於再次下定決心，雙手主動纏上我條頸後然後用力將我個頭拉落去佢個頭度，我地嘅嘴唇再一次互相交纏，然後伴隨住對方一聲神仙一般嘅哼音，喺衣一晚我終於真真正正咁得到左我女神，同佢不論係精神同肉體上都完全合二為一，水乳交融。
「點呀，有無種稍為填補左遺憾嘅感覺?」少有地貓仙人主動問道。
「我真係無諗過有個世界嘅自己可以同到Leanne一齊…」我好似置身緊喺夢境咁答。又或者其實衣家嘅我，都真係發緊夢，仲要係一個春夢。
「你地人類嘅感情係好奇怪無常理可以推測，有時真係咁岩一個moment就會感動到或者有感覺，但有時又任你幾努力做幾多野都唔會有用，或者衣d就係你地所講嘅緣份啦。」貓仙人有點唏噓咁講。
「係… 所以感情真係從來係無得強求，亦可以係意想不到。」望住另一個自己係昔日嘅女神身上不斷奔馳，聽住女神因為自己近乎瘋狂嘅動作而發出一陣陣宵魂嘅哼音，我竟然有種吐氣揚眉，又有d老懷安慰嘅感覺。原來只要一d巧合出現，我都可以得到女神。突然間我又有d失意起黎，點解我唔係屬於衣世嘅我?
「唔好咁快下定論，故事仲未完。」或者察覺到我嘅想法，貓仙人說道。