那些被錯過的人: 中秋節（下）
「喂，Cathy！」
「咁耐咖！」
Cathy飛奔過嚟，仲繞住我隻手。
佢繞得好實，我嘗試推開佢。
「喂呀，俾我繞吓喇，遲啲你同諾曦一齊，就無得繞咖喇。」
「繞還繞，你心口。。」
「咩呀？」
「你個波夾住我呀！」
我好大聲，引起旁邊嘅注視。
雖然引起人注意，但Cathy完全唔在意。
「搞掂！你成功引人注視喇。」
「搞咩呀你？」
「俾你感受吓其他女仔嘛，等你唔好剩係掛住諾曦，喂，正唔正先。。」
Cathy略帶挑逗嘅語氣，令我有少少面紅。
不過做開運動嘅身形同觸感，又真係幾唔錯。
「諾曦係邊啫？」
「妖，跟住我喇。」
Cathy終於鬆開雙臂，佢帶住我行咗十五分鐘，終於係公園角落見到佢哋。
「咦？點解你兩個一齊嘅？」
「Sorry呀諾曦，我咁啱係車站見到你男朋友咋，我哋無嘢咖。」
Cathy馬上衝埋去攬住諾曦，諾曦聽完之後面都紅哂。
而其他同學馬上起哄，交頭接耳不斷討論。
「講。講。。講咩呀！冇呀。冇。。我唔係佢男朋友呀！啊！佢唔係呀！」
「好喇，唔好玩喇。」
「係囉！佢都未係！」
呢一刻，諾曦已經進入咗混亂狀態，完全語無論次。
我嘗試解圍，但諾曦愈幫愈忙。
「未係！好快就係！」Cathy上哂電咁抽水。
呢一刻我相信成班同學心裡，都覺得我係諾曦條仔。
不過都好，傳言傳傳吓，就會成真咖喇。
經過一番喧鬧之後，Cathy就叫大家坐低玩遊戲。
原來Cathy係康樂，我當然都坐低一齊玩喇。
第一個遊戲係朱古力波彈彈波，呢個遊戲相信大家都玩過。
第二個遊戲係爭櫈仔，不過就冇櫈仔，而用繩喺地下圍個圈，一對一鬥快坐入去。
四強戰係我對Cathy，音樂停嗰刻，我哋唔理三七二十一就坐落去。
因為佢屁股好有肉，相撞嗰刻，我感覺到自己俾佢彈開咗。
但為咗唔喺諾曦面前輸，落地嗰刻，我雙腳用力，將Cathy撞咗出圈。
阿然見到即刻大聲歡呼！
鬼咩，條友第一場就輸咗俾Cathy。。。
最後冠軍賽，竟然係我同諾曦之爭。
鑑於頭先同Cathy太過激烈，音樂停個刻，我足足慢咗1秒先有反應。
結果諾曦輕鬆勝出呢場比賽，而我就要接受懲罰。
佢哋堅持我係放水，所以諗到個懲罰好痴線。
公園入面有座小山，得幾層樓高，山頂有座涼亭，但從來冇人敢夜晚上去。
因為個度太陰森，亦有好多恐怖傳聞。
佢哋就要我行上去，然後自拍一張。
「你班人痴線咖喎。。」
「係囉，上面有鬼咖。」
「咁你陪佢去囉！自拍完whatsapp俾我！」
「唔洗喇，我唔驚，我一個上去喇。」
講真我有啲淆底，當然想有人陪。
但係如果係諾曦，佢應該仲驚過我。
佢聽完之後眼都突埋，個身仲有啲震。
其他人就不斷起哄，迫佢陪我上去。
「好！我陪你！」
「我。。我哋行。行喇！」
續