那些被錯過的人: 幫助

9月22日，中秋節。

「不如一齊返去？」阿悠拉住我衫袖。

「阿杰！我同諾曦走喇，你走未？」

Cathy突然喺出面叫我。

估佢唔到，咁快出手幫忙，我當然唔可以錯過呢個機會！





我冇理阿悠，一個箭步出咗班房。

原來佢哋想食下午茶，Cathy好識趣將諾曦推向我。

「諾曦話肚餓又想見你，所以搵你食下午茶囉。」

「你講咩呀！我話肚餓咋，冇話想見佢喎。」

「仲係度扮嘢！咁你唔好阻住我同阿杰喇。」





「係你自己要搵阿杰咋嘛，我去陪阿婷都得咖。」

諾曦仲係好介意俾人抽水，而大家都好疑惑阿婷去咗邊？

「佢同阿然行街呱，或者上咗屋企？」

「上屋企？唔會咖，佢哋都唔係嗰種關係！」

當然Cathy只係吹水，但諾曦就好大反應。





「喂，你都有阿杰喇，仲理阿然做咩啫？」

「咩呀！識多個朋友啫。阿杰都好多女仔friend喇！」

我哋三個就係一片嘻笑聲中，係商場行咗一個鐘。

最後我同Cathy送咗諾曦返屋企。


「唉，睇嚟唔樂觀啵。」

Cathy擰哂頭講，然後道出我同阿然嘅分別。

佢話我哋兩個完全唔同風格。

我就係運動型，而阿然就係文靜韓仔型。

「咁俾你簡，你簡邊個呀？」 

「我會簡你。」

我一開始仲以為佢會簡阿然，真係完全估佢唔到。

「點解？」

「我哋做開運動，身高又唔係差好多，企埋一齊個畫面幾襯。」

Cathy講完之後，將身體靠向我。

「喂，唔好玩，費時俾人誤會。」





Cathy唔係住附近，所以我送佢去巴士站。

佢今晚都會去善翠公園，仲話希望見到我。

我返屋企途中，不斷思考Cathy嘅舉動，會唔會有反效果。

硬係覺得佢嘅方法，反而會令若曦同我保持距離。

為免佢暴走，我諗都要同佢傾吓。

「唉，搵咗個麻煩友幫手添。」


返到屋企，洗埋頭，已經7點。

我換好咗衫，準備好隨時出門。

不過其實我冇準備，而且都唔知幾多人嚟。

所以都係執生，玩吓遊戲，傾吓計就算。


續