援交學入門: 最終回﹒零個，林宛琪及張凱婷的朋友數目

「一時嘅光輝未必係永恆嘅⋯⋯」蔡楓華

咸濕強一事，張凱婷最終被捕，使得張凱婷聲名大噪，成為社會熱話。唔少人視張凱婷為英雌，亦有人視佢為廢青代表；同時，各高官名星名人，好似生前係咸濕強好友咁，紛紛對佢嘅死表達哀痛。咸濕強生前好友同女友甚多，除咗一個叫Tiffany嘅女仔已離世外，仍在世嘅，個個都讚咸濕強生前活潑開朗，係個陽光大男孩，佢嘅死係社會嘅損失！張凱婷係做雞嘅，做雞講乜鬼被人威迫強姦呢？張凱婷當時著緊身褲，緊身褲好難除，點強姦到呢？警察咁「正義」同「愛國」，點會做埋啲咁下流嘅行為呢？法官同陪審團無法接受張凱婷嘅解釋，而且控方直言張凱婷用胸部襲警在先，甚至有外國勢力資助而行動之嫌；最終張凱婷謀殺罪成，判處終身監禁。

整個法庭審訊過程，張凱婷母親起初都有出席，不過之後就冇，而佢老豆從來冇出現過。冇計，張凱婷老豆覺得太丟架，平時佢幾咁愛國，由支持《二十三條》、反對「佔中」、再到每次投票畀「禮義廉」，估唔到自己個女殺咗個維持社會「穩定」嘅警察，實在罪無可恕，仲要做雞，你叫張生點承受得到呢？雖然張生間唔中都會叫雞，但只限出火、揸吓波，冇全套，自覺冇對唔住張太。

對於整個審訊同判刑，張凱婷好似看透一切，對裁判冇乜感覺。張凱婷知道佢嘅人生玩完，監獄嘅生活唔好受，往後嘅日子冇人探佢，佢老豆老母都唔想再理佢。獄中，張凱婷徹夜難眠，每次失眠，佢都會諗起俊仔。雖然張凱婷知道現實冇乜可能，但係佢總幻想俊仔會有朝一日會嚟探監。另外，張凱婷都好掛住Pinky，究竟呢個傻女而家點呢？其他囡囡點呢？如果Mandy冇死，佢會點打呢場官司呢？張凱婷每晚都諗緊同樣問題，但得唔出答案。

至於林宛琪，佢至少有俊仔探監，每次見面，佢哋都冇乜點講嘢，倆人盡在不言中，睇住對方逐漸消瘦，只想對方安好。林宛琪以前幾風光都好，佢而家都畀人睇唔起。喺香港，咸濕係一種罪，林宛琪係女人，罪加一等，更何況監獄呢？林宛琪試過自慰聲音太大而被人投訴；亦試過沖涼嗰陣望住人太耐而被人打。因為咁，林宛琪被其他囚犯稱為淫婦，每次有人叫佢淫婦，林宛琪不自覺咁，諗起佢同張凱婷嘅中學回憶。



其實大部份友誼只能維持幾年，亦唔會諗段友誼之後會變成點，林宛琪估唔到，呢段友誼會改寫佢哋一生。當初中學時日日嬉皮笑臉，到大家經歷唔同感情問題、一齊做生意、一齊迎來人生高潮；到最終大家反面，並且先後入獄。

往後嘅日子，社會好似變得保守咗，連港產片都剩返啲懶係勵志嘅戲、鹹片冇晒、同大陸一模一撚樣、大家好受落嗰陣，點會接受林宛琪同張凱婷呢啲傷風敗德嘅人呢？林宛琪呢類怪人，除非一直係贏家，否則好快被人打入十八層地獄，永不翻身；而張凱婷⋯⋯你老味，廢青一名，不值一提！

林宛琪唔信邪，佢始終唔甘心自己個援交帝國就咁瓦解咗。自己做唔到援交，不如教人做援交？於是佢取「淫賤」嘅諧音，取筆名為「琳智」，偷偷咁開始撰寫《援交學入門》，教人做援交，以表達自己未完嘅援交夢！《援交學入門》嘅主要內容，除咗之前嗰幾回提到嘅援交手法外，仲有以下重要章節：

一﹒大波並非萬能；

二﹒寧願平胸，唔好隆胸；



三﹒叫床係一門學術同藝術；

四﹒認真學習各種性知識；

五﹒所有男士都係潛在顧客；

六﹒分析淫蟲心理學；

七﹒賣淫無罪，叫雞有理；



八﹒爆房全攻略；

九﹒切勿迷信超薄安全套；

十﹒MK唔型，壞過凱婷。

等等先，凱婷？林宛琪好自然咁寫到張凱婷，但係點樣引用張凱婷嘅個案呢？唔知係林宛琪諗唔通定係唔敢寫，佢竟然落唔到筆！咁啱得咁橋，林宛琪得知張凱婷單嘢後，心諗佢哋可能再次見面，到時應該點？扮唔識？林宛琪都係諗唔通⋯⋯果然，喺國安元年、即港共二十四年、亦即公元二零二零年，除咗好多人好似當年孫雪娥阿叔咁，喺香港見唔到希望，陸陸續續移民他鄉外，「中共病毒」亦同年爆發，監獄需要大量生產口罩，以供政府各宦官、狗官同冗官使用。林宛琪需要到監獄口罩工場開工，就係咁，佢同張凱婷再次相遇，倆人凝視對方，百般滋味在心頭，有詩為證：

同是天涯淪落人，相逢何必曾相識！