援交學入門: 第三回﹒十二小時，孫雪娥最長工作時數

「壯陽方法同求神拜佛一樣，信則有，不信則冇。」張太 

自從孫雪娥從佢阿叔接管咗間鵝檔後，唔知點解，生意好過之前，多咗唔少客人，包括張太。以張太嘅家庭背景，大可請個工人姐姐幫手買餸煮飯，不過張太唔肯，佢始終唔想交呢啲嘢畀外人做。 

張太並非孫雪娥嘅熟客，孫雪娥都唔認得佢。其實張太最多一個月先幫襯孫雪娥一次，因為佢老公開西餐廳，餐廳大把食淨嘅食材，使乜成日走去街市買呢？只不過佢老公鐘意食鵝，而西餐廳好少用到鵝，所以張太先會去幫襯孫雪娥囉！

唔知邊鬼個講，話食鵝肉可以壯陽喎，而張生真係信，於是間中食鵝肉壯陽。每次食完鵝肉，張生都要同張太行房，期間淫慾無度，不在話下。 

經過多年嘅淫亂生活，張太終於喺港英一百五十年、亦即公元一九九一年，成功懷孕兼誕下女兒，並以張生間餐廳——「凱婷餐廳」命名，叫張凱婷（至於點解叫「凱婷餐廳」，真相無法知曉，有一說法為張生中學時暗戀嘅女仔叫凱婷，所以餐廳以「凱婷」命名，不過張生極力否認此事）。從此，張氏一家過住看似幸福嘅生活，張氏夫婦嘅淫蕩生活就此結束，張太做返個「良家婦女」。始終生咗個女後，張太嘅「床上任務」已結束，自然變得性慾都大減，亦自然拒絕享受性生活；而張生忙於佢蒸蒸日上嘅事業，忙到瞓都冇得瞓，連扯旗嘅時間都冇，仲扑乜鬼嘢啊，有時間瞓多陣仲好啦！ 



張生張太咁嘅轉變，其實都好普遍，唔係個個好似孫雪娥咁，生咗個女後，仍舊晚晚淫心輒起。不過，孫雪娥由過往床上大喊大叫，變成而家艷聲柔語，佢彷彿喺性方面嘅掌握有所進步。的確，無理或得個嘈字嘅淫叫，容易令對方感到厭倦；要做到口中鶯鶯聲軟，先會令雙方百般難述。 

雖然聲量細咗，鄰居再聽唔到孫雪娥發情嘅一面，不過同一屋簷下嘅林宛琪，點會聽唔到呢？基本上林宛琪嘅童年，就係聽住佢老母發姣聲長大嘅。林宛琪心諗，點解佢老母平時惡死能登，閂咗房門同老豆一齊，把聲變得溫柔好多嘅？而平時苦瓜乾咁面嘅老豆，點解走出房門時會有個非常詭異嘅微笑呢？係唔係老母做咗啲咩令到老豆好開心呢？係唔係老母嘅奇怪聲音令老豆好興奮呢？林宛琪試過問佢老母呢啲係咩聲，甚至模仿埋佢老母淫叫時嘅「啊啊」叫，點知佢老母一把打落佢塊面到，鬧林宛琪鬧到全邨都聽到，林宛琪覺得無地自容。 

雖然孫雪娥長期火爆暴躁，但係嗰晚佢情緒特別波動，即使孫雪娥已身為香港人，個名都唔同咗，佢估唔到自己對上面發生嘅事會有感觸。林華新估唔到佢老婆都仲有啲人性，會為遭到屠殺嘅死者傷心，同時再次激發佢想移民嘅念頭；但係孫雪娥死都唔肯，佢話唔捨得香港，林華新只好放棄移民諗法。其實當日正正係林宛琪三歲生日，即係港英一百四十八年，亦即公元一九八九年。從林宛琪三歲三日起，佢老豆老母再唔同佢慶祝生日，最多送件玩具算鳩數。 

唔開心通常只能夠維持幾日啫，幾日後孫雪娥同林華新咪晚晚雨意雲情！似終皇天不負有心人，孫雪娥再次懷孕，於港英一百五十年、亦即公元一九九一年誕下俊仔林文俊。 

其實，俊仔同張凱婷都喺同一間醫院兼同一日出生，而佢哋老母嘅產後病房相鄰，不過佢哋冇人知囉！ 



畢竟未知後來如何，且聽下回分解。