援交學入門: 第一回﹒十四日，孫小娥抵達香港所需日數

「再見喇下次見喇，有下次嘅話。」 MC $oHo《係咁先啦》 

話說男女床事，分必久合，合久必分，並無沒完沒了嘅房事，都冇無窮無盡嘅情感關係，只有夾即合、唔夾即散之交往。呢樣嘢不分地域同時代嘅，好適合形容筆者帶畀大家嘅故事⋯⋯ 

中共二十八年，亦即公元一九七六年，喺廣東惠東某條村入面，有一對年青戀人，男嘅叫謝希大，女嘅叫孫小娥。男嘅非常咸濕，成日向孫小娥提出性需要，但係農村始終保守，佢哋唔方便畀其他人知⋯⋯所以佢哋需要共赴巫山時，只能夠趁凌晨時份，偷偷去到其中一方嘅房到，喺黑鼆鼆環境下，倆人互摸互奶，盡量抑壓自己嘅聲量⋯⋯不過孫小娥都有頂唔順、發出充滿享受之聲嘅時候，謝希大只好用毛巾塞住佢把口，減低聲量之餘，一切性興奮都因毛巾塞住，變成帶有痛苦掙扎嘅微量呻吟聲。之後謝希大將毛巾拎開，孫小娥高潮後嘅喘氣聲，以及嗰種既無奈又享受、一時仲未回魂、充斥汗水嘅雙乳因喘氣而輕微顫動，謝希大固之然興奮⋯⋯

謝希大係孫小娥性啟蒙人物，佢身材高大健碩，身高超過一米八五，胸、手臂同大腿肌肉結實，喺鄉村實屬罕見。謝希大喺街上行，吸引唔少異性觀望，相信謝希大已經成為村內男士最討厭人物，以及女仔拍拖幻想最佳對象。至於班女仔有冇對佢性幻想？就算有死都唔認啦！ 

不過孫小娥對謝希大性幻想就肯定有，佢除咗喺謝希大身上學識自慰同性交外，謝希大嘅身型同對佢嘅愛，都會成為孫小娥幻想嘅動力；或者一啲佢同謝希大冇可能發生嘅事，例如喺叢林搞、叫床叫得好大聲，足以謝希大唔喺度嗰陣，孫小娥滿足一整晚！但呢啲幻想同巫山之事，的確為孫小娥帶來唔少罪咎感。始終由細到大，長輩都教佢男女授受不親，女人要保持矜持，自己嘅身體只可以畀未來老公睇、摸同插。孫小娥一直都係乖女仔，但估唔到因為咸濕，自己都壞起嚟，又好驚因為咁而有埋蘇蝦，跟住同佢一樣咁淫⋯⋯ 



謝希大天生不羈愛自由，高中畢業後，就喺言語不通嘅情況下，遠赴北方當兵。當完兵後，謝希大回鄉繼續同孫小娥交往咗一陣，就話要去香港，仲揚言自己只要去到香港，鄧小平個女都娶到。謝希大於是飛咗孫小娥，同幾個朋友偷渡去香港，不過聽聞佢喺大鵬灣游水去香港嗰陣，畀鯊魚食咗。 

孫小娥首次失戀，傷心欲絕，每天以淚洗面。其實謝希大唔理佢走去當兵嗰陣，孫小娥已經寂寞難耐，每次自慰，佢都諗起謝希大，百般滋味在心頭，有詩為證： 

此情無計可消除，才下眉頭，卻上心頭⋯⋯ 

孫小娥走唔出失戀嘅陰霾，性格變得愈嚟愈暴躁，日日同佢老母頂撞。孫小娥老豆見佢個女嘅情況，心諗自己嘅大計係唔係應該提前進行呢？咁啱得咁蹺，孫小娥老母唔知係唔係畀佢個女激親，搞到自己最終病死埋，大快孫小娥老豆個心！於是孫小娥老豆下定決心，去完自己嘅夢，帶埋孫小娥一齊偷渡到香港改善生活！當時惠東一帶都有唔少人偷渡落香港，即使偷渡路程有幾危險都好，都阻唔到啲人偷渡嘅決心，因為見到有光嘅地方，就係香港，所有人會向有光嘅地方前進。 

孫小娥老豆想偷渡到香港已經好耐；至於孫小娥，佢都想去香港，至少離開呢個失戀傷心地。而當時好多人喺偷渡過程中遇害，當中不乏壯年男子；不過孫小娥同佢老豆好好彩，只係差啲蕩失路、差啲碌落山、差啲餓暈咗、差啲被狗咬、差啲被人捉、差啲被邊衛開槍射中、爬鐵絲網四肢流血，過程中見盡無數偷渡失敗而死嘅死屍，亦比孫小娥想像中辛苦得多，嚇到孫小娥差啲有心臟病，佢哋就咁樣落到嚟香港啊！ 



畢竟未知後來如何，且聽下回分解。