作者小點滴: 6/9/2022 BL短故 (2/3)

(前文係作者親身經歷，本文係禾FF出嚟，Darling見到莫生氣)

續前文提要，我嘅目標就係要將A收服到自己手入面。我亦已經下定好決心去令佢接受到同性戀同埋接觸到我。每個人每日都要食3餐㗎嘛，但係佢為咗慳錢日日食極平嘅燒味飯或者係辛辣麵，極之唔健康，所以我咪為佢準備便當囉！好簡單，只不過係日式蛋卷、金菇肥牛卷、炒什菜+日本珍珠米咁囉，起碼比起嗰啲燒味有營養啲先啦！

好啦，我哋今日係有天地堂嘅，11點鐘就落堂啦，條衰哥哥即仆落去canteen到買嘢，我即刻從背囊拎出我凌晨5點幾起身準備嘅暖心便當九秒九跑過去捉住佢，「喂XX(A嘅英文名)，等⋯⋯等埋人哋呀！」，「唔等你啦！」之後佢就冇嘟9痕就入咗canteen，正當佢諗住撳機買嘢食嘅時候，我向佢遞上便當，「我⋯⋯煮多咗俾你㗎！見你成日食燒味飯咁唔健康！」(你宜家傲嬌嚟做乜呀！)

「噢—多謝你，使唔使俾翻錢你呀？」

「唔使，如果你鍾意嘅，我⋯⋯都係煮俾你一個人食⋯⋯嘅！」我已經瘋狂俾signal佢，之但係男人就遲鈍㗎！





「多謝你，咁又多咗個長期飯票啦！」原來你咁樣睇我嘅！不過愛情又真係麻木嘅，我都可以當算數嘅。

上完天地堂，佢約咗我、B、同埋上回提到嗰個女仔一齊上去佢屋企做project(唔同Major但係同Minor)，之後佢就帶我買啤酒同零食(杰哥套路)。上到自己愛人嘅屋企當然要周圍睇下啦！入到佢間房，入面牆上面都貼滿我鍾意嘅日本動漫poster，而且亦都有好多景品擺喺架到，整體來講都算企理嘅。

「喂，上到嚟好做嘢啦，後日要交初稿俾prof，之後下個禮拜就present啦！」A話。

我哋跟住分工，我同A負責research & check，B負責擬定初稿，女仔就負責將我哋傾完嘅重點jot低，再幫B搞初稿。我哋搞得好順，話時話都8點囉，A好有心叫咗Pizzaxxt俾我哋繼續開夜車。理所當然我哋就飲咗少少酒，之後又繼續做嘢。

酒精係會令人做出一啲人去常唔會做嘅嘢，我捉住佢隻手指住問佢，我嘅資料夠唔夠做，佢又冇制止，第二次掂佢隻手就係一種溫暖嘅感覺，好可靠。





做到10點，我哋又hea啦，佢拉咗我玩switch，邊個輸要飲酒，邊個養金魚嘅飲多罐。Round 1我未摸熟lost，Round 2打和呀，Round 3就佢輸咗佢飲呀，Round 4佢又輸咗，Last Round係我輸呀，total我飲咗3罐佢都飲咗4罐，冇久佢就開始wing wing哋啦，腳步浮浮送走咗個女仔，B去咗沖涼，A嘅屋企人出曬街，所以廳就只係得翻我同壞哥哥喺到。突然間佢叉錯腳，好在我有捉住佢，如果唔係就頭落地啦，佢嘅嘴唇呢個時候就印咗落去我嗰度，人哋個初吻冇咗啦，諗住係留翻俾女仔㗎嘛！

不過，我都開心，但又有失落惆悵，始終唔係佢主動而係酒精推波助瀾之下先會啫。

之後我帶咗佢入房，佢拉住我隻手叫我唔好離開佢，咁我就被迫喺佢床邊瞓到6點鐘。我就自然醒咗，望見佢如斯可愛嘅睡相我就會忍唔住錫咗佢面豬登一啖，咁啱佢又醒咗喎！

「點啊，係咪宿醉㗎！」

「唔— —」





「咁你就嘔落你個膠袋囉，嘔完之後再食解酒丸。」

「咁你而家OK嗎？使唔使幫你take attendance？」

「唔使，我⋯⋯應該OK！」

「YY(我嘅英文名)呀！」

「唔？」

「我好似尋日對你做咗啲乜事呵，對唔住！」

「我最懷疑自己係有少少⋯⋯鍾意你！」