作者小點滴: 5/9/2022 BL短故 (1/3)

我要承認我自己嘅癖好，就係開始鍾意咗男仔。

上咗大學，自己喺中學比較摺，所以先至膽粗粗去識下fd，亦都好好彩俾我識一啲fd，有男(A,B)有女。我同個女仔嘅交集就係平時傾下計，有互fol ig，但冇試過dm 過佢。雖然佢樣都ok靚，但係我冇乜點feel嘅。

A同B就係朋友關係，我係先識A先再識B，我同A係喺一齊上堂先認識嘅，年紀亦相似(我：03 A：02)，所以冇乜gap可言，係最傾得嘅男仔，鍾意乜動漫呀、影相呀都，我哋都有共同話題，而且佢個樣幾靚仔(利申：自己係中)，自己初頭係冇乜咁嘅想法。B我就冇乜興趣，最多咪喺飯腳度傾下同埋common major溝下assignment咁多。

講翻A先，我同A基本上都唔會分開嘅(除非要翻屋企)。有一日，我哋要去做assignment要做report，諗到呢度我就嚟PTSD，係佢氹翻我，之後有乜事佢都幫我，面對呢個咁yasashi嘅大哥哥，小弟係春心有少少盪漾嘅。之後我哋有一次身體接觸，佢話冷氣好凍，所以我咪問佢有幾凍囉，個衰大哥哥話唔知啵😡😡，我自己想話：「你可唔可以俾我用我嘅身體暖住你呀？：）」，當然呢啲咁羞恥嘅內容就已經食咗。咁我內心好爭鬥，我又好想知佢有幾凍，但掂佢又驚佢反應過大，之後埋少近我。但係我唔知有乜刺激，就用自己溫暖嘅手捉住佢嗰個冰冷嘅手，佢隻手好靚好軟，係白色嘅，好滑，喺捉住佢隻手嗰陣，係有明顯心跳加速嘅感覺。我為咗扮冇嘢，咪話「衰佬，你隻手都幾X凍啵！」，但我自己都表現到好羞臊，「咁，我幫你暖一暖啦！」，佢竟然話好，我拖住佢隻手都拖咗5分鐘。呢5分鐘係我覺得最幸福嘅感覺。鬆開手後，我好想用霸道總裁tone話「哼— 你個衰佬隻衰手偷咗人哋嘅心，想點補償我呀！」，可惜我又係怕醜，先冇同佢講，如果唔係嘅就hi hi啦！突然間佢劈頭一句「我哋係咪搞緊gay呀，我⋯⋯唔鍾意咁囉！」

好傷我心囉，好似一葉失去清晨甘霖露水，毫冇生氣咁，我呆咗一陣，好快就回復正常，做「咁又係嘅，每個人都有自己嘅癖好！」嘅自我排解。我呢刻終於知道自己係雙性戀。





事後，佢同我都冇乜嘢唔開心，正正常常上課，嘻嘻哈哈話係搞笑啫！(心已碎💔)

雖然你唔太鍾意BL，但係我會盡量努力追你㗎！