作者小點滴: 28/4/2022

尋日冇出post，中文卷三其實ok簡單，特色意義容易，另外所述角度係有啲分到高下嘅。

作為DSE通識尾二應考嘅考生對於通識被政權殺科其實係非常之傷心，諗到未來以合格唔合格定義公民與社會教育科，都並唔願意見，因為真係背資料，罰抄資料並沒有思辨空間，下一代嘅批判思考能力可見真係難矣哉！講翻通識先，卷一真係非常簡單，全部都係大路野亦係恆常議題，題一係義工服務，以前2018年出過，個人成長與人際關係應用到；題二係東京奧運，只要舉返相應例子即可回答問題，資料是你最好elaboration嘅最好工具，應用到全球化；題三係遙距工作WFH啦，呢題發揮空間好大。

卷二出三題選答一題。題一係網上祭祀，呢題難度係中等，熟悉嘅話會有好多嘢寫，應用到現代中國嘅中國傳統文化同埋公共衛生；題二係香港故宮文化博物館，老實講呢題我唔想講唔想睇唔想聽呢啲洗底嘢，難度高（因為要掩住良心抄資料prove博物館能提升先卷港人生活素質），應用今日香港嘅生活素質（質素）嘅；最後題三係植物肉，呢題發揮空間大，相對其餘兩題容易，小弟揀咗呢題，題a係問人們有甚麼原因抗拒無肉飲食，可以從無肉飲食係非主流、跨國企業、政府、媒體宣傳、肉類供應不跌反升等合理角度說明，題b係推廣植物肉能有助可持續發展，咁要諗到可持續發展定義係人類後代子孫喺經濟、環境同社會上有平衡發展，其實呢度有嗰暗比喺度，要好小心答，應用到全球化中嘅經濟全球化、商品銷售全球化、能源科技與環境嘅可持續發展、公共衛生嘅基因食物、食物安全、生活模式病等嘅範疇。