作者小點滴: 26/4/2022

今日係考DSE中文卷一同卷二，首先要講下卷一，今次雙數卻係出三篇，所以話tip題唔係次次都中，文言經典篇章我tip中咗聲聲慢，反而估唔到會返出魚我所欲也，我本身諗會係論仁、廉頗、月下獨酌，之後part B大撚鑊，居然出中國哲學家周國平嘅一個人和三個人稱同每個人都是一個宇宙，今次要屌嘅係啲問題係咪真係啱我哋思想未完全成熟嘅中六學生去答呢？例如係「半人半神走了，神就來了」呢句，必須承認白話係淺白易懂，問題會否太難呢？好難去分高下囉！之後文言文係三篇都ok直白，亦誕生不少meme，例如楚王掉咗支弓，老子同孔子鬥嘴、魚互相依靠呼吸才可以活等，

最後講下大佬亦都係佔最多分嘅卷二，嚴重懷疑出題目嗰個係有中二病，第一題係「校服的自述」我作嗰陣差啲笑L咗仲笑埋右，如果我想玩嘢就寫甜故上去，又或者係將明日醬的水手服劇情(主角借水手服係學校周圍溝女食女)，第二題係議論文或抒情皆可嘅「得不償失」為題闡述對漫畫嘅領悟，如果我答一定會用上海同非洲兒童作例，第三係你認同專精一樣嘢定Slasher，考評局今年好鍾意slasher，睇嚟LS都有可能喺卷一或者二出斜槓族，呢題都容易發揮，如果排容易度係3>2>1，點解1最難係因為多人揀，應該有超過一半人揀，所以要高分難，要求都會高啲，例如佢一定要貼題要求你俾多啲校服嘅體會，2其實容易炒嘅，3因為少人揀所以相對較高分嘅機會係會高啲。

小弟寫咗題一18禁版，請按此連結欣賞。