【科幻/哲學/愛情/甜故(可能有)】前世修生: 第六章：出世

第六章：出世



**************
「楚瑩，我哋到時應該點樣相認翻好呀？」我講咗心入面嘅疑惑，

之後楚瑩就喺我右頸整咗個咖哩雞上面，

「咁咪得囉！嘻嘻！」一方面係表達我係已經被佔有，唔可以再玩女人，另一方面原來我哋前世原來係愛得咁激烈嗰啵！





「Good bye kiss！」我撒嬌道，楚瑩好情願給我個濕吻，還好我久經訓練先冇生理反應。

「好啦，真係要走啦！」楚瑩略帶不捨道。

「bye bye，遲啲見！」

遲啲見，幾耐？冇人知。

(2080年1月21日，手術室外)




李浚榮嘅屋企人包括佢老豆老母，外父外母都有嚟到。醫院門外有好多記者等，因為李家同陳家都係政治世家，李浚榮老豆係城邦嘅總統，總統添孫成為咗城邦人民嘅話題，而外父係法務部部長，亦都因為咁樣二人嘅仔女添丁都係大反應。

「恭喜啵！」✖️n 四人互相恭維道賀添孫。

「係喎，總統閣下，你唔係要去聯合國發言乜？」陳爸爸問。

「哈，我個仔同我添孫啵！我恨都嚟唔切啦！所以咪叫總理同我去囉！同埋親家老爺唔使工作feel啦，宜家係休班緊呀！」李爸爸捉住陳爸爸激動咁講。

「咁嘅話叫你Charles咪得囉，係咪老婆？」陳爸爸問陳媽媽。





「呀哈～～Natalie你叫你老公改下啦！」

李媽媽點了點頭，「唔」了作回應。

(手術室內)
自然分娩手術係好耐嘅，浚榮係喺紫柔張手術左手邊陪住紫柔。

「1，2，1，2，慢慢吸氣⋯⋯呼氣⋯⋯」浚榮教紫柔呼吸幫手快手推出個BB，即係我！

「好痛⋯⋯老公⋯⋯呀⋯⋯」紫柔用了洪荒之力將BB從子宮推出嚟。

「慢慢⋯⋯唔好急！」

「醫生可以快啲？」浚榮一方面安慰紫柔，叫佢唔好心急，另外方面叫醫生快啲完成，因為佢唔想紫柔嘅陰道同個肚唔好受太多嘅痛楚。





「盡量啦，先生！」

4個鐘後，「BB仔個頭出咗嚟！」護士同浚榮同時講出嚟。

紫柔望住實時鏡頭影住我個頭出嚟，哭！係初為人母嘅感動、痛苦。

6個鐘後，經過宮縮宮口擴張，成個BB出咗嚟，

「2080年1月21日21點07分31秒出生，恭喜你李生李太！」接生嘅醫生報告亦我嘅出世時間又恭喜浚榮同紫柔。

「先生請你剪臍帶啦！ 」

手足無措嘅浚榮手震震拎住個臍帶剪好小心落剪，

「老婆，我⋯⋯剪啦！」





雖然神色係慌張，始終自己嘅愛情結晶品嘅紐帶由自己親自剪，開心係大過驚嘅。

「新生嬰兒嘅重量4.0公斤，即係8磅13安士，正常水平。」姑娘稱咗我。

「請問我哋幾時可以再見BB呀！」紫柔生產完低聲捉住浚榮手髀問護士。

「等妳安定喺手術室之後，醫生巡完房之後就可以啦！」

我就放入無菌嘅保暖箱，入面有供氧嘅。

「老婆，妳好勇敢呀！挨咗10個鐘痛！辛苦妳啦！妳落去休息啦！」

浚榮除咗防護衣之後就搵咗佢屋企人。





「爸爸媽媽、外父外母、佩婷表妹！你哋嚟咗啦！」

「爸爸你唔係去UN㗎乜⋯⋯」

「哈～～自己個仔生個孫俾我，當然要嚟啦！同埋我都想退落嚟，俾你同阿哥或者黨內嘅中生代嚟！呀～～係啵，係咪順產呀？」

先講城邦政體先，誠然，呢個係個城邦國家，奉行民主自由主義、資本主義、議會制度嘅國家，城邦嘅國會有時權力大過總統同內閣，係因為法律係有賦予嘅彈劾嘅權力。呢個國家國會係多黨制，大多數機會都組成執政聯盟，而李爸爸領導嘅公民黨就係國會大黨，始終都係唔夠位失咗絕對控制權，雖然李爸爸係總統，佢都係受到國會節制，猶其係在野黨，正因為會有政敵關係，而且以前又係「國際大刀會」，所以咪想退位頤養天年。

「爸，今時唔同往日啦！社會冇咁亂啦！經濟又咁好！你個新抱生完，要休息啦！我都要呀，遲啲再開黨大會啦！同埋爸爸同埋外父你哋快啲出去應付啲記者啦！」

「好呀，我當然想你哥同你接我班啦，不過遲啲先，我走啦！George！」

「仔，我都走啦！」

送走爸爸媽媽同外父外母之後，佩婷表妹居然陪我留喺醫院。







*************
(下回待續)

註：如有雷同，實屬巧合。