【科幻/哲學/愛情/甜故(可能有)】前世修生: 第五章：投胎

第五章：投胎



*************
過咗冇耐，有個傳話使者過嚟喺我同楚瑩耳語：「二位弟兄姊妹，你哋的祈求，主已經收到啦！祂叫我過嚟同你哋講—佢同意咗你哋嘅要求啦！同埋，祂想問你哋係咪因為留戀人間所以先至會咁呢？」

「額⋯⋯唔係，只係我哋兩公婆想好好過日子啫，以前或者可能會有些少留戀，宜家起碼自己都可以咁好命，有仔女有孫囉！乜都夠啦！」我興奮咁話。

「咁又係⋯⋯好啦，你哋去拉貴爾度先啦！佢會幫你㗎！願主祝福你！」





「拜拜！」之後我哋就最後一次叫拉貴爾幫我哋手，

幫手做乜？轉生？日本異世界動漫睇得太多！投胎？係啦，應該係個最合適嘅形容啦！

「麻煩你啦！」我同楚瑩好有禮貌拜托拉貴爾幫手。

「咁⋯⋯你可以落去，到時有下邊有天使接你，你亦都好快出世嘅！」

「唔該曬！拜拜！」





基本上，天堂發生嘅事就完啦。

數日後，

一個產婦預產期係聽日，女人嘅老公早早就執咗走佬袋，做好準備入院生仔啦！

「呀～～BB踢緊我呀！老公～～～」女人面露慘痛，同佢老公講。

「唉吔，Anson，唔好咁玩你媽媽啦！唉～～紫柔，今次真係辛苦你啦！」





女人嘅老公憂心不已話。

「算啦，浚榮，個B我哋兩個都有份㗎，冇乜辛苦唔辛苦！」

紫柔豁達開朗說着，小姐你聽就生囉，知唔知㗎！

「好啦，行啦，我哋搭的士去醫院啦！」

「唔！」

「小心呀！」

的士司機叔叔好好人，見到大肚婆就盡量揸快啲定啲，唔會急剎車。





半個鐘內到咗荃灣港安醫院，落咗車之後，浚榮陪住紫柔才步不離扶入醫院大堂扶到佢去有櫈坐嘅時候先暫時離開幫手搞入院手續之類。

以後，喺幾位護士同浚榮扶住，紫柔上咗病床，並陪佢上房。護士好理解紫柔嘅心情，初為人母，始終心情有啲緊張，所以容許咗浚榮陪紫柔過夜(其實係為咗減低工作量)。

「老公，你走啦！呢度有護士take care 我，放心啦！」

「唔得，BB係我哋嘅第一次，我唔可以冇咗你㗎！」

「陳紫柔，醫生提你臨生前8個鐘唔可以食嘢，只係可以飲嘢，你ok嗎？」護士話。

「ok，我想飲菠蘿汁呀！」紫柔低聲説，睇嚟又痛過！

「老婆呀，我哋個仔英文名叫Anson呀，中文名嘅好？我姓李。」

「就叫『亦宸』啦，老爺應該會好鍾意呢個名！」





「唔～好啦，好快就可以見到你，到時就多多指教啦！亦宸！」

「老婆我行開一陣落去食晚餐啦！好快翻呀！」

浚榮好有交帶走啦。其實佢有啲緊張冇乜胃口，隨便咁喺醫院餐廳搞掂。

浚榮好快上去，坐喺度從旁睇住紫柔瞓。

早上八點幾，紫柔要生得啦。子宮收縮，出現咗陣痛。

「好痛呀～～浚榮～～」

「叫護士⋯⋯」之後浚榮匆忙撳掣叫護士。





冇耐醫生入埋嚟檢查：「先生，你太太已經生得啦！我哋已經佢安排入手術室，你哋之前話想自然分娩係咪？」

「係呀！冇乜問題呀嘛，個B 37週⋯⋯」

「冇問題呀，只係⋯⋯想問你想唔想入手術室啫！」

「好呀！」

「我宜家去安排，同埋你剪唔剪臍帶呀！」

「好呀！」

「咁陣間有姑娘教你點樣着保護衣啦！」

「唔該！」





「紫柔，唔使驚！」

我就快出嚟啦！



***************
(下回待續)