[微血腥] 覺能之戰 (逢二、四更新): 謊言與隱瞞篇第三十八章：長夢 (四)

場面再次變更，這次他置身於一個大型慶祝會場中，大家都在唱歌跳舞，大吃大喝的。夢中梓旻坐在其中一張枱前喝著別人倒給他的香檳，他嘴角微微上揚，似乎也挺高興。可是，當亞塵在會場經過，他輕鬆心情全被打消。

「喂！亞旻，出嚟玩啦！打贏咗李博士喎！我地搞咗幾耐？」Albert拿著一大瓶酒，想拉起梓旻

「唔好喇⋯⋯你地都慶祝咗成個星期啦！差唔多攰啦？」

「喂！搞咗幾耐先搞掂佢？死咗幾多兄弟？死咗幾多普通百姓？而家終於死咗喎！而家幾乎冇敵人喇！仲唔慶祝夠本？哈哈哈！算！你唔玩，我搵其他人！喂！我嚟喇！」Albert衝往人群中，另一邊姐姐就走來梓旻身邊

「亞旻，你見唔見鈞靖？」





「嗯⋯⋯係咪話搵亞滿？」

「搵佢？搵佢做咩？」

「我點知？」梓旻答完，姐姐就非常緊張的快步走了，但他沒有追問，亦沒打算追上。待到差不多時間，他便離開這歡樂的現場，就在回宿舍的路上，他聽到有聲音從鈞靖的房間傳出來。本來他只想告知鈞靖，姐姐在找他，但當他走近門前，聽到的是鈞靖憤怒的罵：「你究竟想點？」

一把細微的聲音回答鈞靖，但梓旻聽不清楚，所以他偷看房內，希望看到與鈞靖對話的人是誰。映入梓旻眼廉的是一個細小的身影，是一位穿著白色連身裙的白皮膚女孩，看起來只是一個小學生或幼稚園生的小孩子，梓旻清楚那女孩叫亞滿。

「我地已經將對方所有人，包括實驗人員或實驗品，都殺曬！係殺曬！冇留低任何人，包括你講嗰個！」





對方似乎非常生氣，但梓旻仍聽不到她在說什麼。

「你死心，冇可能。可能其他人唔知你想點，但我清楚！所以我殺咗佢，你嘅陰謀永遠唔可能實現！」

忽然，二人靜下來，數秒後女孩用怪異的音調道：「唔係！仲有你！」

房內傳來打鬥的聲音，梓旻立即打開門，想阻止他們二人，但是門一打開，梓旻便倒下了。夢中梓旻再次醒來時，看到的是滿身是血的姐姐在哭泣大叫：「唔好死！求你！求你！唔好！唔好！」

「對唔住。」是夢中梓旻最後的說話