[微血腥] 覺能之戰 (逢二、四更新): 對角戰第十九章：畢業試（四）

接著Crystal就緊張地跑進來，真兇可想而知是她了。浩政狠狠地盯了Crystal一眼，Crystal嚇得震了震，然後低頭慢慢地跪在Kiki旁邊，為她掃背。可是這沒能平伏Kiki的心情，她哭叫著：「你唔出任務就應該退出，你應該退隊！你應該退隊！」



Dali又再不受控的重覆道：「我應該退隊！我……我應該退隊！」



這情景有種似曾相識的感覺，令梓旻回想起他的「預知夢」，讓他不禁皺起眉頭。這一舉動偏偏被觀察力一向良好的澈硯發現：「你咁苦惱嘅？諗緊咩？」







梓旻沒有多想，反射性的回答：「冇！」



「喂！你地仲企係度？幫手啦！」浩政向著他們揚手，二人立即把Kiki拉走，把她送回升降機才離開







「講啦！」澈硯繼續剛才的話題



「唉⋯⋯好喇！」不知是否受夢的影響，梓旻想著想著覺得也可以告訴夢的事給澈硯知。他嘗試把整個夢的詳細地說給澈硯，但小心地把關於Dali可能是犯罪集團的部分掩蓋過去，也沒有告訴他於食堂的蹧遇



「你以前真係未見過鄭子謙？」澈硯聽完梓旻的夢後認真問道







「未。」梓旻肯定回應



「你以前完全冇機會睇過或者聽過呢個名？或者基因實驗？」澈硯繼續追問，似乎梓旻不是夢到，而是不記得發生過的事



「冇！一定冇！你懷疑我記錯？」梓旻不太滿意被澈硯質疑記憶力



「嗱！夢呢係可以反映好多嘢，可以係過去發生嘅事，或者你想發生嘅事都得。雖然未必係以一個正常或合常理咁發生，但我可以話你聽，有可能係你潛意識講緊啲嘢你聽！」澈硯嘗試用比較科學的解釋回應梓旻的夢







「唔係預知夢？」梓旻問道



「都未必唔係。」澈硯給了一個不肯定的答案



「咁咪廢話？」梓旻反白眼







「比起啲冇根據嘅預知夢，我相信啲有理論或學家講嘅嘢！即係可能係你唔知係邊到眼尾稍過，或潛意識推理，或你想發生。」澈硯又再提出自己的見解



「至少我唔會想有人死囉！」梓旻有點不爽



「或者係你知會有人死呢！算，唔好爭拗呢點，反而我想知係咪真係有楊枳洛呢個人！」澈硯放棄了繼續爭論夢的來源



「點知，落街問？」梓旻因覺得澈硯當成笨蛋而惱怒







「當然係hack入公司網站啦！」澈硯興奮地提出一個非法的提案



「犯法嘢我唔做！」梓旻決絕地反對提案



「我有特權吖嘛！」澈硯笑著拿起掛在頸上的主研究所出入證



「我覺得自己hack入去，不如同上頭講好過！」梓旻仍然反對這做法







「我就唔同意，一嚟上頭唔一定信你，仲要係夢喎！冇幾多個人好似我咁肯去查㗎！二嚟佢就算信都唔會俾答案你知，話唔定仲要封你嘴，到時你又被監控，又唔知答案，得不償失！三嚟我已經知道咗，我唔會理你反對，一定會去查到底！係咁先！拜拜！」澈硯就這樣跑走了，梓旻也不費力去追他



梓旻知道除非發生更有趣的事，否則即使受到死亡的威脅又阻不了澈硯尋找方法滿足自己好奇心。不過梓旻自己也很想知事件真相，放任一下澈硯又何妨呢？