[微血腥] 覺能之戰 (逢二、四更新): 對角戰第十九章：畢業試（三）

=17px即使O隊的人數大幅減少了，工作都未見有減少，需要各隊員分擔龐大的工作量。梓旻四人因鄭子謙出院轉到實驗室囚禁而不需再看守他，現四人正式回歸O隊執行職務。本來比較空閒的雲耳木耳需暫時負責鹿仔M隊及醫院的工作，本來就不及鹿仔優秀的她要用相當多的時間處理各種與醫療相關的事務，每天也在群組訴苦，哀求鹿仔盡早回隊；陳德晉接替Kiki的行政工作，每天也因為大意及不細心令文件出現各種錯誤，這令Crystal十分頭痛，最後把詡調派過去一起整理文件，情況才稍有改善；阮超、麗瑤和梓旻則在上午的時間輪流負責亞豪幫其他隊伍的速遞工作，每次至少一人留在辦公室接聽電話，三人輪流留在辦公室一小時。

=17px中午前的一小時，梓旻負責留在辦公室，他也只是在辦公室玩遊戲及睡覺，沒半點有趣的事情發生，無聊透了。中午後終於有人回辦公室，豈料是最令人反感的澈硯。他一進辦公室便雙眼發光的望着梓旻，然後半跑半跳的走到梓旻面前，興奮道：「你估我尋日做咗啲咩？」

=17px「我唔知，亦唔想知！」梓旻冷漠回應

=17px「我養紅核BB呀！哈哈！」澈硯高聲且興奮道

=17px「養？」這真的挑起梓旻的興趣





=17px「係吖！好正！雖然話養，但其實係餵佢血，因為佢冇牙仔，所以佢會好似水數蛭咁係你傷口到吸下吸下，好得意！」澈硯指著有小型傷口的食指道

=17px「好核突就真！」梓旻面容扭曲的望著澈硯的手指

=17px此時，休息室傳來開門的聲音，原來是浩政及Dali。短短幾天，浩政的黑眼圈又回到他眼袋上，他用有氣無力的聲線問：「咦？澈硯返咗嚟？」

=17px「係吖！啱啱攞完武器。」澈硯把武器從口袋內掏出來，是兩個如手帶一樣幼的銀色手環

=17px「練多啲，紅核試唔易過，但勝在可以重複考到得為止。唔傾住，我仲要處理埋Dali嘅事。」浩政指指背後的Dali，Dali尷尬地打招呼，但梓旻二人也沒有理會他





=17px「咩事？」梓旻又再想起夢及食堂的事

=17px「……行政嘢！」浩政似乎不願說太多

=17px突然，休息室傳來Kiki的大叫聲：「黎達！同我出嚟！我知你係度！」

=17pxDali立即躲在浩政身後不敢出聲，但Kiki的能力是『輕微命令』，她用能力大叫：「黎達，你應我呀！我叫你應我呀！」

=17pxDali也反抗不了她的『命令』；「係⋯⋯係⋯⋯我係度！」





=17pxKiki吐出一句梓旻夢內聽過的說話：「你！係你！係你害死我哥！我要你去死！我叫你去死呀！」

=17pxKiki抽起Dali的衣領，而Dali只是不受控的重覆道：「我去死！我……我要去死！」

=17px浩政把二人拉開，問：「咩事？咩事咁激動？」

=17pxKiki哽咽道：「點解你要咁做？你明知我哥唔出得任務！你明知㗎！全隊都知醫生唔俾佢出㗎！」

=17pxKiki說完便跪地痛哭，浩政喃喃自語的說了一句：「究竟邊個講佢聽……」