[純愛]只想再見妳: Ep2

「點啊,出pool未啊?」肥強一邊咬住塊熱香餅,一邊以關懷我既眼神問我。
「未啊,我點似得阿強哥你有咁多女啫」
雖然肥強係好肥,而且身上啲肉的確係肥肉,唔係肌肉,但就唔知點解極有異性緣,基本上每隔幾日就轉唔同女。
「咁使唔使我介紹幾件俾你? 一場兄弟,咪話我唔益你喇!」
「咪! 你d女咁open, 我惹唔起啊!」
「妖! open d你又驚,但又日日喺度叫春,真麻煩! 抵一世無女啦!」
「係我既真命天女未出現啫!」我不忿咁反駁佢。
「唉,咪講呢d住先,今個月第三次遲到,一陣間返到去又要俾粒睪丸屌」
「哈, 好彩我唔係成日遲到啫。賢仔啊賢仔啊,你又冇女要陪,就好心你早d瞓啦」
「屌!!!」





不出我所料,喺小息既時候,「睪丸」高sir捉咗我同肥強去教員室鬧我地一穫。
「Damn! 我遲到我既事啦,關粒睪丸咩事啫! 明明校規寫得清清楚楚,遲到五次要收warning letter,七次就記缺點,九次就見家長啫,都冇提過要見訓導!」
「咪就係囉」肥強附和我。
「好心你哋啦,明明係你哋做錯,又要賴人地,好心自己反省下啦。人地老師都一番好意啫...下省1000字」
「唉,得喇得喇,我怕左你。」我係佢準備發表長篇理論之前,先制止住佢。
呢位咁長氣嘅人兄叫做熹神,又係我其中一位好兄弟。我都已經唔記得點同呢d咁長氣既人做frd。雖然佢好麻煩,又好長氣,係折折實實既一位正義撚,不過又咁講,佢份人好重視義氣嘅。
「唉~總之又係多災多難既一日」