估唔到第一次叫雞隻雞就係同班女同學: 4.吓，新興大廈有宵夜食架咩

波就睇完 但係個肚就有啲意猶未盡

「師兄 你返歸未 如果未不如食埋宵夜先？」

「叻仔喎，咁啱想問你，但係都11點幾 依家又無堂食 食咩好呢？」

師兄嗰樣望實我 好似等緊我嘅答案

咁我就求其hea答:「7仔撈麵囉。」



師兄話：「你無聽阿sir講要控制飲食咩？就算學界可以順利搞到既機率微乎其微 咁都要操fit架嘛 下個禮拜阿sir見你six packs無哂肯定屌9你架。」

Wtf 食少少就無咗六舊？！ 唉算 咪食其他

「我醒起有間24小時嘅雞食，幾平，我帶路！」

「有咩雞？阿sir話雞胸最好喎」我問。

「乜雞都有，跟我嚟啦，俾好野你嘆呀」我就咁onon99跟咗去



一路行我地就一路傾啱啱場波 發現原來師兄都係近排先開始睇港超 我心中暗嘆 又話香港要踢世界盃 宣傳港超又無 港隊又無 淨係靠啲足球page宣傳下 又無人睇波 又無大量培訓精英 睇嚟我死咗香港都未踢到世界盃。

由太子站一條直線就到咗新興大廈 條街上面一條友都箬咁滯 我開始有啲驚師兄係咪fake9我

「喂師兄 呢楝大廈咁多夜總會燈嘅？你唔係帶我去呀話 我想食雞詐 唔使食女喎大佬！」

「你唸多咗啦兄台，上面真係有得食雞架，我都有女啦仲去埋呢啲地方做咩啫 跟我上嚟啦 行兩層就到」

Onon99嘅我真係跟咗佢上去 條樓梯勁多煙頭又臭 仲有幾隻曱甴喺度爬來爬去 師兄一隻腳就踢走晒啲曱甴「成日都係咁㗎啦呢啲地方 我都見慣不怪 哈哈」我心諗師兄你住呢度㗎咩？點解又會知道呢度咁唔衛生？？



我冇諗咁多，因為個肚真係喺度打緊鼓 我只係想快啲上去食嘢

周圍暗淡嘅燈光加上我緊張嘅心情都壓抑唔到想要大快朵頤嘅我！！！