估唔到第一次叫雞隻雞就係同班女同學: 3.人生第一次睇港超

咁所謂嘅秘密我就唔知係咩啦

我淨係知排隊好那辛苦！ 仆街去到大球埸出面仲未入得去又要排隊買飛 乜港超有人睇架咩?!

「忍陣啦 平時港超係得幾百人睇 但係打吡戰係預咗多人睇架啦！」師兄一路笑一路望出賽陣容：「hmm,正常陣，坐和望贏啦。」

無耐，終於入到場買飛。

一入到場 真係俾啲氣氛震攝到 東方同傑志雙方球迷互相恭喜大家發財 最緊要身體健康。嗰邊打鑼打鼓 嗰邊又聲撕力竭咁叫口號支持己方球員 根住球場又播哂歌咁 嘈撚到hi



好不容易等到8點正 開波了 上半場大家各有攻勢 但係都明嘅 港超質素邊有得同外國比

大家都不停浪費黃金機會 睇到球迷有啲興 就係咁上半場雙方互交白卷

下半場無乜特別 就係兩隊各有入波一粒 大家握手言和 最出名嘅雙方球迷打交又無 可能係要保持社交距離嘅原因？

lol總之就係咁睇完第一次港超 係唔錯嘅 氣氛好 波好睇 又平 以後會多啲入場的！