穿越時空，冒充平行世界嘅另一個自己，再去呃佢條女上床: （155）

「你隻外星人，受死啦！」

「放馬過嚟！」

二人幾乎同時間出招。

毒藤蔓獸伸出藤蔓鞭打，阿鬼使出瞬間轉移嘅能力，避開攻擊並閃現喺敵人嘅左手邊。

「砰！」一聲，佢手上射出高溫嘅烈焰炮彈。





而毒藤蔓獸嘅反應卻非常快，個炮彈都未埋到身，就用藤鞭輕鬆將佢打散。

阿鬼加快攻擊嘅速度，一口氣射出十幾炮，但都一一被敵人化解。

「五分鐘入面，無一下打得我中，你唔係咁渣下話？」

「收聲！」阿鬼繼續炮擊。

然而佢一路只顧進攻，卻忽略防守，結果俾敵人有機可乘。





兩條藤鞭從後翹住佢對腳，將佢凌空吊起再狠狠往地下撻。

好在及時發動瞬移嘅能力，先勉強躲過被撻成碎片嘅命運。

隨後佢改變策略，不但加快炮擊嘅速度，並且不停利用瞬間轉移，改變攻擊方向。

佢三百六十度咁圍住對手狂轟，相反毒藤蔓獸半步不移，郁都唔洗郁，淨係靠住飛舞嘅藤蔓化解曬全部炮彈攻擊。

「頂！我就唔信打你唔中！」阿鬼嗰兩碌烈焰炮炮火不斷，一連射左幾百發炮彈。





最後兩碌炮消耗得太犀利，導致不勝負荷，突然間自爆。

「哈哈哈！你嚟搞笑架？都唔洗我出手你就玩自爆？」毒藤蔓獸帶著輕蔑嘅語氣恥笑。

阿鬼嘅頭髮亂左，無奈雙手爆開左，家下想撥返正都撥唔到。

更大獲嘅係佢唯一嘅武器無左，家陣棟左喺度，完全無計可施。

「得返嗰十五分鐘，睇你都無料到架啦，嘅然係咁，不如我送你一程，等你同你嘅同伴落去團聚啦！」

毒藤蔓獸揮動十幾條藤鞭，向住阿鬼猛攻。

阿鬼無返還擊，只有左閃右避。

毒藤蔓獸見到對方用瞬間轉移避開，於是再fing多幾十條藤蔓出嚟，全方位大包圍，追住對手嚟攻。





「啪！啪！啪！」

阿鬼啲手手腳腳，仲有頭同身俾啲藤蔓打到啪啪聲。

「估唔到你都幾捱得打架喎。」毒藤蔓獸係咁鞭，不過鞭極阿鬼都唔肯訓低。

「喂！你打到我唔緊要，但係整亂我個頭就唔得！」阿鬼fing一fing頭髮，一下瞬移到敵人面前，相用身體直接撞落去。

毒藤蔓獸及時橫移閃避，下一秒再用身上嘅藤蔓，捆綁住阿鬼全身，令到對方走又走唔到，郁又郁唔到。

阿鬼今次可謂自投羅網，佢全身被緊緊咁捆綁住，用唔到半點力，所以無辦法瞬間轉移脫身。

「一開始係威係勢，又話打敗我又剩，到頭來原來只係舢板充炮艇，一啲料都無！」





「你唔好俾我甩到身，否則我一定打摷你！」

「呢個時候都仲咁口硬，正一係死剩把口！」毒藤蔓獸嘅藤鞭分別箍住阿鬼嘅四肢，同埋條頸。

「可…可惡…」阿鬼谷恆身上嘅力，可惜點都係掙脫唔到出嚟。

跟住，緊纏嘅藤蔓將阿鬼嘅四肢，逐一從軀體分離出嚟。

「哦？乜原來你係機械人嚟架！」毒藤蔓獸留意到對方嘅四肢，原來只係啲鋼料。

阿鬼啲手腳全部斷曬，接駁口露出一條條電線。

佢呢刻心入面好嬲自己。

佢嬲自己無本事打敗敵人攞解藥。





佢嬲自己被敵人玩弄喺股掌之中，卻毫無還手之力。

毒藤蔓怪嘅藤鞭綁死阿鬼條頸，佢將對方當係風車咁fing：「你呢啲廢銅廢鐵，拎去回收都嫌阻埞！」

fing左幾個大圈，最後一嘢用力fing到十幾米遠。

阿鬼「砰」一聲狠狠咁跌落地下，再喺地下滑左幾米先至停低，咁啱就訓正喺其他昏迷嘅人身邊。