穿越時空，冒充平行世界嘅另一個自己，再去呃佢條女上床: （134）

「我掩護你！」阿鬼行埋嚟，以機械肉身擋喺美國鷹前面。

有左掩護，美國鷹好難得先瞄準到，隨即就拉弓發射。

銳利嘅弓箭變大並穿透風沙，直射刺破堅厚嘅麟片，插入力天奴嘅膊頭。

「Ahhh！！！」

力天奴痛苦大嗌：「死啦死啦！傷口咁深，以後留左撻瘌，你叫我仲點見人！萬一帝洛斯BB介意咁點算呀！」





美國鷹理得佢咁多，乘勝追擊，連環射出尖刺。

而力天奴假假地都係A級怪物，梗係唔會咁輕易束手就擒。

漫天風沙凝聚喺佢手上，幻化成一碌碌長矛，瘋狂投擲出去。

「大家快啲匿到我附近！」美國鷹舉起條天線，啟動時間靜止嘅能力，擋隔並反彈嗰啲長矛。

「好！我就睇你擋得幾多支！」





飛沙遠遠不絕咁積聚喺力天奴手上，化成鋪天蓋地嘅長矛，向住美國鷹佢地攻擊。

每一次反彈，時間靜止嘅能力都會有兩秒嘅緩衝嘅時間，因此，面對密集攻擊，基本上係無辦法完全抵擋得住。

卒之，三支長矛突破三米範圍，一支插中阿鬼嘅膝頭，一支擦過美國鷹嘅手臂，造成傷痕流血。

仲有一支差啲射到昏迷嘅Mike，好彩子瑜及時移開Mike嘅身體，否則一定會受傷。

「我要你地碎屍萬段！」力天奴好似擲標槍咁，係咁飛啲長矛出去。





美國鷹佢地就嚟抵擋唔住，突然之間，張醫生保管住嘅嗰隻斷角，釋放出一股強烈邪氣，瞬間將所有射過嚟長矛摧毀。

之後，嗰隻斷角，仲無啦啦漂浮起嚟。

與此同時，昏迷已久嘅Mike亦都企左起身。

「Mike，你終於醒啦？」子瑜露出笑顏。

Mike雙眼發出白光，聲線低沉沙啞：「我感應到惡邪之角嘅力量！」

下一個瞬間，嗰隻斷角飛到Mike嘅手上。

「Mike...你...無事呀嘛？」子瑜感覺到呢刻嘅Mike，正散發出唔一樣嘅氣息。

「我叫帝尼爾，惡邪之角釋放出嘅邪氣，令我力量積聚，暫時佔據左呢個男人嘅身體。」





「帝尼爾？」力天奴聽到呢個名，嚇左一跳，「莫非你就係帝洛斯BB嘅老豆？」

「無錯！」

「下！你係外星人？邊個俾你上Mike嘅身！快啲離開佢嘅身體！」子瑜嚇左一跳，美國鷹同埋其他人都呆左。

「唔係我上去身，係佢食左我落肚。」

「咩話？你…你係佢肚入面條蟲？」

「無錯，當時被個仆街仔打敗，我用盡最後一口氣，將元神跨越宇宙，轉移去魔蟲身上，計落嚟左地球，都生活左幾千萬年。」

佔據Mike身體嘅帝尼爾繼續講：「我失去曬原本所擁有嘅力量，一直只係寄居喺魔蟲身上苟且偷生，一直無人發現，今日如果唔係惡邪之角嘅出現，或者我唔會有機會企得到喺度講嘢。」