穿越時空，冒充平行世界嘅另一個自己，再去呃佢條女上床: （51）

「咚隆！」

外面傳嚟一下巨響，嚇醒曬工廠入面全部人，包括Mike。

扎醒擘大眼，佢發現隔籬嘅Lulu無左人影，似乎對方已經起左身。

伴隨巨響而嚟嘅係地震，不過今次震左半分鐘左右就停左。

墻上嘅掛鐘顯示時間係朝早六點半，Mike合埋眼想洽多陣，結果就訓唔翻，於是行出去睇下Lulu喺邊。





子瑜手軟腳軟咁從廁所行出嚟，Mike見到對方咁嘅樣，就問：「搞咩呀你，你個樣好唔掂喎。」

「你仲好意思講，就係食左你嗰條過期朱古力，搞到我個肚痛左成晚，屙足左我十幾次。」

「拿，唔關我事架，係你自己搶嚟食架渣。」

Mike掃視子瑜全身：「不過話時話，你件緊身衫包到咁實，你屙屎係點屙架？唔會係除曬衫先去廁所下話？」

「關你咩事！」





「唔通你後面開左窿？」Mike睄去子瑜後面。

「食屎啦你！警告你咪再望過嚟，再望我就插盲你！」子瑜彎起兩隻手指指住Mike。

「望下都唔得，洗唔洗咁惡呀？」

「死鹹濕佬！」子瑜鬧完呢句，個肚又作痛，拿拿臨衝返入去廁所。

喺二樓兜左個圈都揾唔到Lulu，Mike行返落地下。





長腿家姐同兩個中年大嬸，一大早幫大家預備緊早餐。

「早晨，細佬。」

「早…早晨。」Mike點點頭同家姐打招呼。

佢地焗左啲麵包，Mike行去隨手拎起一塊嚟食。

「咦，呢塊搽左花生醬架喎。」

「花生醬有咩問題？」Mike咬一啖麵包。

「乜你唔係唔鐘意食花生醬架咩？」長腿家姐問。

「Er…我想轉下口味…」Mike解釋。





呢個時候，長腿家姐留意到佢「細佬」條頸無左道護身符：「我俾你嗰度護身符呢？你無攬喺頸度嘅？」

「護身符？Er…Er…」

Mike諗緊辦法解釋：「啊！我記得啦！係琴日唔小心整跌左。」

「下？整跌左？乜你咁大蝦架！」

「係囉…我真係大頭蝦…」Mike拎住塊麵包行開左，免得做多錯多，露出馬腳。

過左一陣，Lulu從兩樓行落嚟，Mike覺得有啲奇怪，頭先佢明明喺樓上都見唔到Lulu。

「Mike，不如我地今日早啲出發，我見個天陰陰沉沉咁，可能會落雨，所以不如早去早歸。」阿榮埋嚟搭住Mike膊頭講。





每日阿榮、占士佢地都會出去外面揾嘢食，以及搜索周邊有無其他生還者。

「哦，好呀。」Mike回答。

佢留意到阿榮由琴日到依家，都無食過嘢，連半啖水都無飲過，佢覺得有啲出奇。

等占士訓醒落埋嚟，之後三人就連同另外三個十幾歲嘅𡃁仔，一齊出發。

每次出動都係六個人，其他壯丁就留守大本營，如有咩狀況發生就會立即用對講機通知。

六人出發前，每人喺車上先分配好武器，阿榮、占士分別袋穩一支手槍，三個𡃁仔就收好幾支伸縮棍。

唯獨Mike咩都無：「我…我呢？」

「你有神功護體，唔驚啦！」阿榮撻著部吉普車。





阿榮呢番說話提醒左Mike。

昨日晚上，Mike 發現「英勇Mike」有一本武功秘笈，佢照住書中指示，運用嗰啲性愛姿勢同Lulu搞嘢，最後射精嗰陣喺腦海之中出現左旋風技。

究竟係咪已經練成左招技，呢樣就真係要試過先知。