穿越時空，冒充平行世界嘅另一個自己，再去呃佢條女上床: （44）

「細佬，你地返嚟啦！」

一個身材高挑嘅女人行上前迎接佢地，兼且仲叫Mike做細佬。

Mike第一下無意識到對方叫緊自己，望緊周圍嘅環境。

呢度本來係一間玩具廠，一條條嘅運輸帶上面擺放住未組裝好嘅玩具車，然而全部機器目前都係處於停機狀態。

「喂…人地叫緊你啊…」子瑜批一批Mike嘅手踭。





Mike回過神先留意到，眼前一個陌生嘅女人嗌自己細佬：「你…你叫我？」

「細佬你做咩好似心不在焉咁嘅？」

Mike打左個突，心諗呢個時空嘅自己唔通有個家姐？

「家姐…你…頭先同我講咩話？」Mike試探式發問，睇下對方點應。

「無咩，你出左去成日，問下你攰唔攰啫？」對方即刻回答。





「哦…都…都唔攰嘅…」Mike由上而下仔細打量呢位「家姐」。

佢感覺對方年紀應該比自己大少少，大概廿七、廿八咁上下，至於個樣生得幾靚，身形纖瘦高挑，著住一條短到上大髀嘅排球褲，露出一對白滑玉腿。

Mike𥄫住人地對髀，𥄫到入曬神。

呢個時候，阿榮行埋嚟叫Mike幫手分左啲嘢食。

啱先三個𡃁仔喺食品加工廠，擸左五六袋食物返嚟，Mike拎左其中一袋，將啲包裝食物同水分俾其他人。





目前喺玩具廠入面，大約住左三十人，有老有嫩，有男有女，當中有唔少人都受左傷。

佢地本來係呢附近嘅街坊，外星人入侵香港之後，紛紛匿左入嚟呢度避難。

派完曬啲嘢，Mike睄一睄四周圍，發現子瑜唔見左，因此獨自行上二樓，揾下對方喺唔喺度。

對Mike嚟講，子瑜依家好重要，假如佢想要返去自己原本嘅時空，唯一可以旨意嘅就只有子瑜。

工廠嘅二樓本來係倉庫同埋辦公室，不過經過改建後，間左十間房出嚟，提供地方俾大家夜晚喺度休息，連廁所同沖涼房都有埋。

Lulu同一名老婦人喺沖涼房幫大家洗完啲衫，準備拎落去晾乾，結果咁啱就喺樓梯口撞到Mike。

「咦，你返左嚟啦Mike？」Lulu打一聲招呼。

「係呀，Hello。」





喺第二個時空，遇見細個日j夜j嘅童顏巨乳女神，Mike照樣都會怕醜面紅。

「我落去晾衫先，唔做『電燈膽』阻左你兩個啦。」老婦人拎住一籃未乾嘅衫，行落樓下。