穿越時空，冒充平行世界嘅另一個自己，再去呃佢條女上床: （27）

「叮噹！叮噹！」

門鐘響左兩下，好快有一個眼大大嘅靚女嚟開門。

「咦老公，你又話醫院有事今日唔返嚟嘅？」個大眼妹感到出奇，打開門俾Mike入屋。

「Sur…surprise…」Mike又用驚喜呢一招嚟胡混過關。

入到屋，客廳有個長腿妹玩緊划艇機，佢一見到Mike就停落嚟，過去迎接「老公」：「BB你終於返嚟啦！做乜你換左衫嘅？同埋你又話今日唔返嚟？」



「仲洗問嘅，梗係老公太掛住我，特登同醫院攞假返嚟見我！」大眼妹翹住Mike隻手搶答。

「唓！我就話老公掛住我先啱，係咪呀老公？」長腿妹翹住Mike另一隻手，挨埋落去膊頭度。

「係呀，我好掛住你地兩個。」Mike回答，同時環顧四周，睇下間屋嘅環境。

個單位非常大，淨係個廳都大過Mike成間屋，就連咁大架划艇機都放得落。

過左一陣，有一個身穿跌膊衫嘅女仔，從一間房入面行出嚟。



同另外兩個女仔一樣，佢一見到Mike就衝埋去攬住：「老公！你又話唔返嚟嘅？我知啦，實係你知人地幾日無見你，知我掛住你，所以特登返嚟見我係咪呢！」

俾三條女攬到實，Mike食曬波餅，抽曬水，心裡暗爽。

然而，佢仲未知唔知邊個打邊個，所以就逐個名嗌出嚟，睇下邊個應機。

「瑤瑤？」

「老公你嗌我呀？你係咪想飲水，我即刻去斟俾你。」跌膊妹行去廚房斟水，佢就係叫瑤瑤。



「咁…欣欣…可唔可以幫我捏下個膊頭？」Mike對眼同時望住另外二人講。

大眼妹即時回應：「得呀，老公你快啲坐過去梳化，我嚟幫你捏兩嘢！」

欣欣係大眼妹，換言之，長腿妹就係Yoyo。

雖然三個女人無一個係Lulu，但樣貌同身材都唔差，同樣都係男人見到都想砌嘅類型。

Mike坐喺梳化，欣欣幫佢捏膊頭，Yoyo則同佢按腳，瑤瑤就斟茶遞水，猶如享受緊皇帝般嘅待遇。

佢「細佬」已經有啲蠢蠢欲動，想即場開波玩4p。

正當Mike伸手，想拉低瑤瑤件跌膊衫揸波，對方突然對佢講：「老公，你依家返左嚟，咁即係話餐茶唔洗取消啦？」

「下？你話咩話？」Mike問。



「你唔記得左啦？中午我阿爸阿媽約左你飲茶呀嘛！」瑤瑤答。

然後欣欣就話：「仲有我老豆老母！我同你約左佢地今日食下午茶。」

「到夜晚嗰餐，你就同我返外家，我阿爸阿媽已經買定餸，預左你嗰份。」Yoyo接住講。

Mike眉頭一皺，心諗佢只係想屌閪，完全無諗過應酬人地啲外父外母。

「我好攰，唔去得唔得？」

「唔得！」三女異口同聲，一致說不。

瑤瑤睇睇手錶：「差唔多夠鐘啦老公，我地行啦，唔好要兩個老人家等！」



Mike心入面極之唔情願，但係從佢入到嚟間屋，假冒另一個自己開始，佢就已經騎虎難下，無得走甩。

瑤瑤拖佢出門口，二人離開住宅。

Mike發現住宅呢度原來係半山壹號，出到去落斜坡就見到鄧鏡波學校。

呢個時空嘅土瓜灣，附近環境亦都同Mike所認識嘅土瓜灣一模一樣。

一樣係唐樓林立，街道殘舊，無論係路牌定係燈位位置，都係無多無少。

照咁睇嚟，呢一個時空除左有得娶三個老婆之外，整體環境都同自己身處嘅香港相同。

Mike就不禁產生一個疑問：既然生長環境無分別，點解嗰個Mike咁叻仔做到醫生，莫非係人地嘅智商特別高？