魔王（完）: 從此以後（大結局）

「周洛仁！」在鬼判和紫龍上神兩個掌管六維及以下能量體靈魂的管理人幫助之下，把周洛仁帶到他肉身所在的醫院。

「你個死仔何啟天，原來你係神仙黎。」他取笑。
「神你個頭！我咪話左系混沌論，混！沌！論！」
「知喇！」他笑得額外溫柔，忽然又變成認真模式：「何啟天，我翻生之後，一定會請你食餐好嘅。」
「講呢啲。」他回去前，我親自將他的死亡記憶取走。

他回去了，他車禍中最嚴重的問題我治好了，我亦偷偷拿走了岑傲雪腦中的血塊，現在就等他們自己醒過來。我知道我犯規了，我會承受後果。

「預備1、2…」部分嚴重的城市破壞，我們修復了，但剩下的，就靠時間和人類自己。時間重新運轉，整個世界變得像海嘯、颱風和地震過後的情境。我亦擔當著那些不起眼的義工團隊中的小義工，負責拯救陷入地下的的士和被困的司機、幫道路清理倒下的紅綠燈及路牌、在社區中心分發食物給受影響人士。至於circle，她也跟著我一起到處做義工，希望受到嚴重「天災」的各地可以盡快恢復正常。不久之後周洛仁和岑傲雪也醒了，高昇亦可以出院了，我終於可以放下心頭大石。也許最大的懲罰，便是circle的居所也受到破壞，我暫時只能把她接到家中，現在我深深體會到，為什麼結婚後千萬不要與老爺奶奶岳父岳母居住。我果然是拿石頭砸自己的腳。





「冇諗過我地嘅魔王大人都會咁親力親為。」我和楊教授正幫助一些受影響的新界農民的耕地。
「我夠冇諗過，你原來系因為地球嘅自然環境同生態而放棄提升維度，甚至成為管理層嘅機會啦！伊萬諾～」
「你睇下地球上嘅生命體。」農民的牛、狗、貓都在地上享受日光浴，他繼續說：「仲有呢度咁靚嘅景色、同埋呢個世界獨一無二嘅自然風光。日出日落、湖光山色，呢啲咁靚嘅風景，雖然唔係人人識欣賞同珍惜，但對我黎講，系宇宙獨一無二。」
「無錯。我而家都知道點解，佢咁堅持用佢嘅方法。」我摸摸頸上的嗩子。

「何啟天！」「天爺！」周洛仁他們四個來了。事隔多時，高昇已經康復了，周洛仁的肌肉還需要做物理治療，而岑傲雪的腳雖然還需要打石膏，但下星期便可以拆開了。「你哋明知阿雪要撐拐仗仲過黎搵我？」我立刻放下手頭上的工具，去拿椅子給阿雪。「喂喂何啟天！成個幾兩個月夾唔到band，你又忙住做義工，而家特登過嚟搵你你仲嫌棄我哋？」周洛仁大大力拍打我手臂，「哇你打到咁大力，睇你唔使擔心你康復進度啦～」我笑說，「梗係啦，仁哥佢上次幫個阿婆拎袋橙添！」高昇意外之後，變得開朗健談了，不似以前般收起自己。「點呀我哋嘅天爺？你今日開工開到幾多點呀？」阿雪說：「上次又話帶阿嫂黎，咁啱阿嫂唔舒服，今次又唔見佢，你幾時帶黎俾我哋見吓先？」「佢呢排好似冇乜胃口、咩都唔想食，仲會腰痛。唔知係咪腸胃問題，可能要遲少少先。」我說。「24孝男朋友啦！」「嗚天爺～」

「我搞埋手頭上啲嘢，之後同你地去食飯啦。你哋等多陣。」我重新拾起工具，準備再開工。「一於咁話。今晚我請你食飯，當多謝你喺醫院果陣日日黎。」周洛仁拍拍我肩，「咁好死？你唔窮拿？」我取笑他，他忽然這樣回答：「乜你唔記得我講過，會請你食餐好嘅咩？」他們看著我，我用眼神回應他們：我懂了。







———————————完————————————