魔王（完）: 真相

「阿爸阿媽！」一回家，看到的除了父母，李應天、陳子豪和kelly也在。「哇，乜咁人齊呀？」circle苦笑。

「阿仔…」「唔洗講，其實我根本唔係你哋個仔。」母親正想說話，我打岔，他們看著我，沒有說話。我說：「楊教授已經同我講曬。你哋兩個一早知道我係魔王。」在沒有記憶的大前提下，這樣說感覺自己很中二病。我也不知我基於甚麽相信混沌論和楊教授，還一點也沒感到荒唐。他們的表情沒有一點意外，大概因為身為第四維人的他們可以看到未來。

「冇錯。」父親主動回答：「係混沌感召我地，希望我哋可以完成養育你嘅使命，完成之後，我哋兩個可以提升維度，成為神族或者魔族。」我點點頭。「啟天，我同你媽媽係人類。我哋唔知道你哋之前發生過咩事，二十幾年來，有你做我地個仔，我哋好開心。」此時母親已經泣不成聲，父親邊擁著她邊說。我上前擁抱母親，安慰她。

「你地係咪已經有返記憶啦？」陳子豪問我地。「冇啊。所以咪黎問你地。」circle直接說，差點把我逗笑了。李應天走向我，低下頭說：「好想同你講聲對唔住。上次約你出嚟之後，我同火王爺、元星君喺背後發功，試吓可唔可以恢復你嘅記憶，結果整暈咗你。」「唔緊要。」我說。「上神，上次我哋想試吓催眠你，恢復你嘅記憶，真係好抱歉。」kelly對circle說。「唔緊要啦。」circle回應。「咁…而家點算呀？」陳子豪問。

我主動說：「我知道如果我地恢復唔到記憶同埋能力，混沌就會重啟宇宙。李應天，我可以比你試吓唔同方法回復記憶。」他聽到後，仿佛回復信心，點點頭：「我明白啦。」「不如直接帶佢哋走？」kelly問，「唔得。係佢哋未恢復能力之前，佢哋係第三維度嘅人類，肉體同靈魂一旦分開就會死亡。而且，夾硬帶佢哋穿越維度，佢哋嘅肉身結構會率先受影響，一樣會死。」陳子豪立即回應。





「要重新開啟佢哋嘅能力同記憶…」兩個男人忽然從天花版異空間下降而來，其中一個是楊教授。他們說了句：「天使長！」那個男人頭上有個光環，他恭敬地向我們請安：「上帝、魔王大人、上神、元星君、火王爺你地好。」天使長用手掌發出光芒向我和circle掃了掃，繼續：「上帝，佢哋嘅能力正處被好強嘅能量所封鎖嘅狀態，用人族嘅方法未必有效。」「嗯…天使長，有冇建議？」李應天說。「有，不過我同Imanol需要做少少實驗，可能要d時間。」「好。去啦。」說罷他們一個霎眼便消失了。

「哇。」我、circle和爸媽也是第一次見這般操作。「魔王大人，係空間跳躍。」陳子豪對我的眼神也開始變得很恭敬，真把我拍著手地嚇倒。

「細佬，咁我哋走先。有咩事…」李應天留了一個像嗩子外形的嗩子頸鏈給我：「就吹響佢。佢會震動重力波，可以穿透維度，我感覺到就會黎搵你。」走之前，他看了我一眼。眼神之中，我仿佛又陷入腦海閃現的回憶……

「細佬！你睇清楚啲！人類，系萬惡之源……」

「哥！你身為上帝，你對佢地做過啲咩，你最清楚…」





「你收聲！身為魔王，呢百幾年黎唔單止冇盡責，你居然走去阻止意外…」

「咁你呢？大洪水唔夠，你要玩核洩漏，玩地震，玩海嘯。而家仲玩瘟疫，你…」

「講到尾係因為邊個？係因為你啊！……」