魔王（完）: 真正身份

楊教授相邀我們到近大學的海濱公園，坐下尾尾道來。

「我叫伊萬諾，係神族嘅六維智慧體，天使長其下一個管理員，負責幫手管理年輕人類靈魂，即係人類所稱嘅天使。大部分時間我都生活喺地球，因為地球上各種生命同景色都好靚，所以我冇介意一直升唔到維度。」他繼續：「天使長同我由細玩到大，之前一次機會佢升左上去8維成為管理層之一。對上一次佢嚟搵我傾計，大概係地球時間接近三十年前，佢講起最近神族同魔族嘅靈魂數目又開始失衡。其實每隔一段時間都會咁，所以魔王同上帝會用唔同方法解決問題。不過前幾次管理層會議，魔王同上帝有d衝突，最後不歡而散，之後果幾次會議只係得魔王、火王爺、鬼判、上帝、紫龍上神同元帝自己開會。之後聽講魔王同紫龍上神決定去重啟混沌，上帝幾個去阻止，唔小心封印左魔王同紫龍上神既記憶同能力，之後佢哋唔知去咗邊個維度同時間線。上帝下令所有管理層必須保密，直至搵到魔王下落為止。對於呢件事，天使長希望我幫手保密，而且搵到你地嘅話就通知佢。」

「即係話，我係紫龍上神，sky系魔王？」circle有些不相信，我也是，畢竟我的記憶只停留在與父母從小到大的回憶。「記唔記得第6維智慧體有咩能力？」楊教授問我，我回答：「睇到其他人嘅維度？」他點點頭：「冇錯。當我第一次見你，就見到你系屬於第9維度。唔係上帝，就係魔王。而家你地知道咗，有咩打算？」

氣氛安靜了一會，我和circle對望了一會，消化一下這些資訊。「老實講，我始終冇相關記憶，亦都唔知可以點。」我說，circle和應：「其實我都係志在八卦下我d夢同埋閃過果d影像炸。」沒想到楊教授反應很大：「你地知唔知，冇左魔王嘅話宇宙就會重啟！對於神族同魔族嘅人，都意味住所有辛苦建立嘅野被沒殺。咁多年以來，混沌只係重啟過一次宇宙，系因為當時神魔大戰，宇宙分黨分派，好多星球都被炸毀甚至出現維度打擊…」他冷靜下來，歎了口氣：「對唔住…我知道你哋失左憶，唔係有心。」

「楊教授…」我拍拍他膊頭：「我明白啦。」他微微笑，又說：「我知道嘅嘢大概係咁多，不過你哋仲可以問幾個人。第一個，係啟天你爸爸媽媽。之前佢淨係搵過我傾左一陣，佢哋兩個係第四維度人族，不過你媽媽，應該係可以睇到其他人嘅維度…」我恍了神，沒想到，他們一早便知道。「第二個，係李應天同埋佢身邊果一男一女。李應天係第九維度嘅，身邊果兩位係第八維度。或者，佢可以比到答案你。」





「原來佢係上帝…」我和circle異口同聲，對望一令，各自陷入沉思。「只怪我知嘅嘢唔多，能力亦都唔高，幫唔到你地。不過你哋有需要嘅話，隨時搵我。」他說。「多謝你。」「多謝你楊教授。」

「circle我地走啦。」我二話不說，一手拉住她便急步回家。「去邊呀？」「去問清楚我爸爸媽媽。」