7日交友apps奇妙體驗: 【續－初入交友apps之與90後談天說地】

【續－初入交友apps之與90後談天說地】

喺畀完IG之後，我冇再理會嗰個人，一嚟，我唔再識開話題，二嚟，我冇諗住喺度追女仔or識到女仔，純粹保持著可以揾人R水吹嘅心態繼續玩。

所以我又再度翻去HMD，繼續尋找某些有趣靈魂(偏向食花生多啲)。

過了半小時，我發現完全匹配不了人，內心百般無奈，正大喊「狗屎垃圾apps」一拳打在枕頭上，然後關掉時頭上出現了一個受邀提示。

【無聊想揾人傾吓計   接受or拒絕】





還要想嗎，當然是接受啊，有種單挑，謦到死為止，我心中渴望對話的火苗已經燃燒得不可收拾，連自己也無法克制。

由於佢個名太長，以下用【無】嚟替代。

無：「hi」

我：「hi」今次我學精。

我：「你想謦啲咩？」





無：「我90後係咪已經bye😂😂」看來對自己的年齡缺少自信，就從這方面入手。

我：「應該仲未」「仲有人識得欣賞嘅」「不過喺呢個apps佔小數」

無：「笑死，你把口真係識講嘢」
「你今年度中幾？」居然會主動問問題！？

我：「中XYZ....」「細佬仔一個」

無：「真係呢」「好young」





我：「冇呢回事囉」「其實已經覺得自己老」「都就快2字頭」「不過由我把口講出嚟好似冇咩說服力」

無：「20打後嘅我已經唔記得自己幾歲」

我：「返工返到傻咗？」

無：「nah，中XYZ...其實還好啦，我喺呢個年紀嗰陣都有呢個諗法」

無：「不過依家喺度返工我最後生😂」

無：「nice 爽😌」

無：「反而冇咗老呢個諗法」





無：「可能冇咗先真係老」

我：「你係傳說中嘅社畜？」

無：「正確」

我：「咁你做啲咩㗎？純粹好奇」

無：「半IT嘢」「但係我又唔係讀IT」

我：「咁搞笑？」

無：「所以入到去先學，其實要嘅IT底唔多」

我：「咁你原本諗住做咩㗎？」





無：「本身的確想做呢份」「不過冇咩IT knowledge 難啲升職」

我：「咁你覺得伏唔伏？」

無：「又唔會話伏嘅」「我做咗4、5個月」

我：「...」我諗唔到問咩好，呢條友太健談，同我頭先遇到嘅完全唔同，佢嘅整體戰鬥力超過10000啊。

無：「依家中學係咪學好多tech」「即係stem 嗰啲」

我：「唔太清楚😬」到我變成被動。

無：「但我個team啲人個個都好老😂」





我：「唔通全部係地中海阿叔」
「聽人講做it嗰個個都變禿頭」

無：「又未至於」「不過第二後生嘅，都一兩個月前結左婚」「我個team冇人禿😂」

我：「有冇靚仔同事😌😌」

無：「結晒婚就算啦」「仲要split office」「一半以上見都見唔到😂」「我當係阿爸多啲😂」「教我個個」「好似大叔的愛入面個kk」

我：「返工都有阿爸照顧，好有畫面😂」

無：「😂😂人地唔當我係佢阿女，可惡」

我：「可能真係老咗，冇曬青春活力」





無：「可憐🥺 」「你俾啲活力我」

我：「唔好玩我啦師姐」

無：「有冇咩事發生，我離開中學太耐」

我：「畀ex戴帽故事聽唔聽？」

無：「你定朋友先」

我：「梗係唔係我自己啦😂😂」

無：「講嚟聽吓」

我：「長故事嚟㗎喎？真係要聽？」

無：「冇問題，辛苦你打字」


為咗保護朋友私隱，我唔會copy and paste原文上嚟，不過會輕描淡寫解釋，簡單來說就是：「我朋友與佢嘅前度一齊咗，頭三、四個月屬於熱戀期，不過中間離離合合，對讀書嘅價值觀唔同，女方又成日無理取鬧，咁樣就撐咗一年半時間。

無：「一年半都一齊左好耐」「但有時都要雙方都互相遷就」「感覺一開始都幾好啊」「我讀女校，好想試下同男朋友同班甚至做鄰居」

「之後升讀高中，課業開始變繁忙，冇時間拍拖，導致女方覺得男方冇重視佢，某一日男方嘅朋友(即係作者本人)發現佢女友同第二個男仔單獨出街，於是影咗幅相畀男方，而男方透過某些方法，知道自己戴綠帽之後，都忍痛下定決心同佢嘅初戀分手，並且專注學業。」

我：「差唔多係咁，打字打死我=,=」


無：「哈哈，辛苦你，不過都真係幾on9」「就咁睇落個男仔都冇咩做錯，無端端畀人戴帽，仲要傷心嗰個係佢」

我：「差唔多啦，好多學生拍拖，個個都玩玩吓」

我：「咁師姐你讀女校點樣㗎？」

無：「哈哈，師姐，你真係好鬼死得意，乜我好老咩？」

無：「我嗰陣時冇拍拖」

無：「你想知啲咩？」

我：「係咪真係會有les㗎」女同性戀，一直都係我想知道嘅嘢。

無：「梗係有啦」「三角戀」「圍繞住TB」
「依家仲用唔用TB呢個字」

我：「tom boy吖嘛」

無：「識啲嘢喎死o靚仔」

無：「冇男人個陣咪TB做男囉」

我：「咁啲TB咪好慘？」

無：「點會，人氣王」
「連啲低form嘅都會嚟睇佢」

我：「話唔定啲TB都想識男仔呢？」

無：「唔會囉，睇佢哋幾enjoy」「不過完全理解唔到」「點解啲女仔會覺得TB有型」「同樣道理」「男校係咪都有hehe」

我：「我有個男校fd，佢同我講見到自己班啲人喺更衣室換衫互摸肌肉、腹肌，好gay」


無：「女嘅就zha波，摸pat🤤🤤」「男嘅就摸肌肉，腹肌🤤🤤」

無：「點解我唔係讀男女校，少好多樂趣🤤」

我：「師姐唔好發春住，收翻埋先😂😂」

無：「就係對住你呢啲唔知我邊個嘅先可以咁」「明明係你提起呢個話題先」

我：「sorry囉，我講埋曬啲無厘頭話題」

無：「咁又唔使say sorry嘅」

無：「我中學嗰時，有段時間覺得男人留長頭髮好正，當佢哋扎住頭髮，可能係同一個道理
你自己幻想吓，係咪覺得好正先」

我：「水行俠啲fd？」

無：「YES！！！果然係醒目仔啊」
無：「但事實係靚仔先會咁樣，唔靚仔嘅根本唔會挑戰呢個髮型，或者可能外國人適合啲」

我：「你個死外貌協會會長師姐」

無：「又唔係要求你留長頭髮😂」

我：「講真，鬼佬先天條件贏曬，夠靚仔」

無：「挑，你咁講，鬼妹都一樣啦」「身材咁正」「人又高」「樣又索」

我：「太高反而麻麻地，冇女仔feel😂😂」

無：「我仲以為，可愛比唔上性感添」

我：「個人標準女神身高168－170已經夠」

無：「哈哈，我得155」「好彩係個女仔」

我：「仲有二度發育嘅師姐」

無：「唔該發育落個胸please！！」

我：「點解唔兩個都要呢？」

無：「我都係收皮算」「依家啲中學生越來越高」「越嚟越靚女」「點搞」「留返二度發育俾你」「再生高啲識多啲女」

我：「我就唔使喇，識到嗰一個就夠」

無：「女朋友？」

我：「唔話你知」

無：「死o靚仔」

無：「我想扮160都唔得囉。」「158就話扮160啫」「155，唉……」

無：「你上到大學會唔會變狗公㗎🤫🤫」

我：「呢層我都唔清楚🤔🤔到時先算」

我：「不過155真係冇得扮，試下用鞋墊？」

無：「雖然我個樣同性感都冇咩關係，好想同上咗大學嘅你再傾偈」

「好奇有啲咩轉變🤣🤣，其實我都冇乜點變到，除咗外向啲就冇喇」

我：「到時你仲記得我呢個死o靚仔先算啦」

無：「你依家讀咩科」

我：「chem同phy」

無：「本身諗住送啲建議畀你有咩科揀，奈何我完全冇science底子😂😂」

我：「我估應該讀engine」

無：「我讀business，完全唔關事」

「engine好少妹豬㗎喎」

我：「我家姐都同我講喺條不歸路😂😂」

無：「不過你應該okay」
「感覺你要識人唔難」

我：「師姐你諗太多，我純粹鍵盤戰士一個」

「少女嘅咪住hall囉，大把妹豬」

無：「大把👏👏」「你咁高質」

我：「邊到高質，毒L一個😂😂」

無：「唔信你啊，依家戴住口罩識人，仲要周街都靚仔靚女，連我都覺得自己靚咗，不過除咗口罩陣間打回原形😂😂」

我：「口罩真係最好嘅化妝品」
「感覺成個人自信曬」

無：「冇錯，自戀一下先，我覺得人老咗，塊面冇咗啲膠原蛋白，好似瘦咗，就靚女咗」

「俾啲信心，認同下呢句」

我：「OK accept 接受」

無：「good boy」「證明咗口才都OK」
「話仲唔係高質」

我：「你話點就點啦🤭🤭」

無：「我開心，就代表到部份女性都開心」

「俾啲信心你，雖然你可能唔需要，其實我都係純粹9up，上嚟呢啲app，老牛吃嫩草😂」


我：「新年流流，祝師姐你無端端後生個10年先，青春永駐啊」

無：「後生多10年後生過你喎，到時仲唔溝埋你？」

我：「不了，咁五年算，正直青春」

無：「唔錯唔錯」「可惜我未結婚」
「畀唔到利是你」

無：「haha，去到後面我已經喺度自己9up」
「我都差唔多沖涼瞓教」

我：「唔緊要喎，你有你講，我有我肯聽」

無：「haha」「新年快樂」

我：「新年快樂」

無：「祝你生得越嚟越靚仔啦」 「88」

呼，終於完，原來同唔同年齡層嘅人謦欬都幾得意，佢哋啲睇法原來都唔係同自己差好多啫，但好可惜，呢日只係第一日，接下來嘅劇情真係各式各樣嘅奇葩人。

呢個少年喺第二日會遇到啲咩人呢，請期待下一話【一個唔想做player但係控制唔到自己做player的故事】，下篇嘅篇幅有啲長，可能要用多啲啲時間去寫，畢竟要從過往嘅對話內容，猜測對方嘅思想，再回想起自己當刻嘅心情、感覺，呢方面對我而言有少少困難，不過小弟會努力的。