7日交友apps奇妙體驗: 【序章】

【序章】

交友apps，顧名思義，「以一個交友為目的之行動程序應用者」，或者可以被稱作「以認識朋友，拓展交友圈為目的的應用程序」，兩個陌生人透過一個由電腦程式碼所創造出來的平台，從而互相認識。

作者我，從來都唔相信呢種交友apps真係可以識到朋友或者女朋友，因為平日經常觀看youtube頻道「港試測」「chill up」之類，已經司空見慣。

男嘅通常就喺揾SP之類(即係炮友)，女嘅通常就係上面扮曬皇后娘娘咁(都有例外)，等人氹，等人溝，唔講仲以為前世同佢簽咗血債，謦欬好似要畀錢交入場費咁。

如是者，作者某日腦袋有問題，又受到新朋友的慫恿終於嘗試download呢啲所謂的交友軟體，決定一探究竟。





到底是否真的如youtube所言，交友apps係一個可怕的平台呢？？

咁既然叫得奇妙體驗，當然唔少得精彩劇情啦，不過普通劇情也有，想要睇精彩劇情嘅就繼續追落去喇，正所謂知己知彼，百戰不殆，既然要寫篇唔錯嘅文章，點都要親身經歷翻一次。

咁廢話少講，開始啦。