【請勿當係真人真事】女朋友的AV: 偉大的職業

三個月前既星期日晚，同阿LING拍完一日拖之後，最佳既活動就係升副職。

  張子樂今日既新嘗試係芒果味曲奇，入仲有啲芒果粒，我一路食一路打怪，但都不忘讚下佢：「芒果味曲奇你都諗到，堅喎，仲要食落無違和感先好野，下次整多啲嘛請埋其他人食。」

  樂：「焗爐唔大，比阿嫲食，有剩，攞比你試。多謝。」

  打左大半個鐘之後，有人敲門，我正如戰若酣，就張子樂去開門，有人入左黎。

  樂：「食煙。」就出左去。



  我眼角睄一睄見到係原來係肥波，就問佢：「咁錯蕩呀？」

  佢一野坐左落我床度，開口就：「喂，你知唔知山本溝到女啦。」

  我唔知點解佢要專登過黎同我講呢件事，雖然有八卦我都唔介意八卦下既：「邊個咁不幸呀？」

  肥波：「你記唔撚記得組媽JENNY呀？」

  我呆左一呆：「嘩，咁高質！山本唔係省油既燈喎。」



  肥波：「屌，咪又係閪一個。」

  我唔係好鍾意咁講野：「唔好咁講，JENNY果時都好照顧我地丫。只係山本之前同我講有TARGET時，我無過佢目光係咁遠。」

  肥波：「吓，佢同你講撚過有目標？幾時既事？」

  我心下不妙：「啱啱開學果時囉。」

  肥波：「死仔，同房都唔撚講，驚撚死我同佢爭咩？」



  我儘量掩飾：「佢都唔係直接同我講既，我都係字裏行間估架咋。」

 我再岔開話題：「你呢，你無TARGET咩？你地DANCE SOC 啲女夠索啦。」

  點知佢塊面黑左一黑，係我覺得我講錯野之前，佢話：「屌，乜囡都比人溝撚晒啦。仲有我呢啲毒撚IT狗，又唔係大醫生。」佢望一望我，「又或者好似社工咁，呢啲偉大既職業，邊撚度有囡丫。」

  我知佢父母都係有啲名望既醫生，咁理所當然希望個仔讀醫。不過佢讀唔成，只係僅僅入到黎讀IT，面對父母既失望，間唔中都會漏左啲沮喪出黎。

  我：「咪又係工一份，有幾偉大。」

  肥波：「點撚樣都偉大過IT狗先啦。不過計我話，做人就唔好嘥撚晒時間黎溝囡，學業為重丫嘛，都係呃蝦條啫。屌，最好就係屌人地條囡，屌撚完就丟返比佢條仔抺乾淨，你話幾撚爽呀，叫雞錢都慳撚返。」

  我唔明點解肥波好似語中有意咁望住我，我心下一寒：「有人關心下都係好既。」

  肥波：「關撚條毛咩，啲囡咪又係撩尻屌！係呢，你同阿LING拍拖成點呀？」



  我對佢突然將個話題帶落呀LING度，覺得有啲厭惡，我己經開始想打發佢走：「都係咁啦。」就好專心咁望住自己部電腦。

  肥波：「屌左未呀？」

  我己經要保持最低既禮貌：「唔關你事喎！」

  佢突然彈左起身，走埋黎拍落膊頭度：「嗱，一場兄弟，阿LING呢，就好撚好女仔黎架，你記得KEEP撚住佢乾乾淨淨呀！」

  就咁佢就行左出去。

  我唔知道佢無端端同我講呢啲做乜，又阻住我打機。

  討厭。