《我老婆唔係我女朋友》【那些年／學界比賽／真人】 第四章至六章: 【第六章】 感激我遇上（１）
感 激 我 遇 上
嘿，是了，現實世界是不會如同熱血漫畫一樣，因為女主角隔晚的鼓勵和福利，而令男主角在一晚之內天元突破，神奇地贏得冠軍的，實際的情況是有多少付出就有多少回報。
由始至終，游泳比賽的對手都是「時間」和「自己」。
自己知道自己事，只有短短半年時間備戰，要填補過去幾年的空窗期，既要收身減磅，又要回復體能，確實頗為勉強，期間還有傷患以至情緒低落的問題，幸好有寶貝女友、我最貼身的女陪練的支持，所以就算只有「梗頸四」，都算是超額完成了，畢竟Leon只要求單項能夠入決賽而已。
雖然沒有獎牌，而且又再次輸畀總舵主，還只差一隻指甲位（個仆街高我大半個頭，阿Q啲諗，平磅嚟計我實際上是快過他的，哈…哈…唉～～），我以為自己會有灰心的情緒，但出乎意料是，並沒有太大的失落感，反為有如釋重負的感覺。
和總舵主一起在池畔走著，慢慢踱回起點取回衣物，經過「園區」時，我指著Lulu那方向跟他說：「嗱，你睇吓Lulu旁邊嗰個女仔，唔係呀，另一邊扎馬尾嘅。係嘞，佢先係我女友，佢同我去舞會㗎。Lulu係佢中學同學，所以我同Lulu都熟囉。」
我聳肩攤手再說：「噉你滿意喇啩，我一陣叫Lulu嚟約你時間學游水喇，OK？」
總舵主滿意的點點頭。
我悄聲的說：「呀，呢個情報送嘅，Lulu未有男朋友呢。」