《我老婆唔係我女朋友》【那些年／學界比賽／真人】 第四章至六章: 【第六章】 ＥＮＤ ＧＡＭＥ（３）
突然他重提剛才的話題：「係呢，頭先你都未答我，你點會去舞會嘅？」
啊呀，條友死心不息喎。
「哦，有人約咪去囉。下次叫埋你一齊去吖，你有無伴呀？」好，我擒七打八，食住上。
「無喎…」他有點無奈的答道。
「點會呀，以前都見你好多囡圍住喎。」我是真心覺得奇怪，本人樣賤、爛口、格衰、又肥又矮就話啫，明明佢少年時已經是英俊瀟灑萬人迷啊。
「哈，講以前？唔係咁容易搵到個啱嘅。」看來他可以繼承我「無奈泳手」的頭銜。
我當然感同身受了：「又真嘅，搵到個啱嘴形都難㗎。」
嘿，何止只要啱嘴形，仲要「啱嘴」呢。嗯～唔知瘦妹放學未呢？