《我老婆唔係我女朋友》【那些年／學界比賽／真人】 第四章至六章: 【第六章】 宅の聖殿（１）
宅 の 聖 殿
第二天返學時，阿心告訴我昨晚Lulu打給她問長問短。原來高妹見我急瘦兼一臉倦容，擔心我真的有重病，又見我要晨早開工，憂慮我病咗都無好好休息，想睇吓有無嘢可以幫手。
阿心無辦法下唯有將我練水和做陪練員的原委和盤托出。
「你睇Lulu幾有心吖，佢話見你嗰朝嗰個樣，擔心咗成日呀，你第日請佢食飯添呀。」阿心似為她的姊妹抱不平。
「哎吔，佢一輪嘴急口令噉，又秤住班細路，都無時間俾我解釋。」不過聽到Lulu的掛心，還真是有點感動。古道熱腸的她，如果生在古時應該是個女俠。
昨天因為躲懶，將練水袋留在學校，所以今天放學可以直接到麗池開工，先陪阿心到太子補習，之後還有個多小時才夠鐘，反正無聊，打算沿彌敦道行去【信和】逛逛。
這段日子不是練水，就是療傷，要不就開工，難得有點閒暇可以懷緬一下以前專業宅男的時光，不過最近彌敦道多了很多「黑腳」站崗，馬路旁又偶然見到有封密車窗的大型客貨車停泊，傳聞裡面隱藏有「飛虎」在當值，當然啦，3個月前正正在【信和】大門那家金舗發生了驚天劫案，那手持AK的悍匪，紮馬站在金舗門口的經典造型，大家仍然歷歷在目，說不緊張就假了。
93年1月旺角謝瑞麟金行劫案報導。