《我老婆唔係我女朋友》【那些年／學界比賽／真人】 第四章至六章: 【第五章】 佢七省肥魚咋啩（４）
條肥佬上次就話用賽馬「拍跳」理論，今次又賽狗「電兔」…仆街…我真心覺得伏伏哋，唉～佢兩師兄弟真係…希望佢唔係亂噏當秘笈就阿彌陀佛了。
後來看雜誌介紹，原來訓練長跑，真的會安排陪練員扮演「兔子（Pacer）」的角色，原理確實和訓練獵犬一樣（賽狗其實是源自獵狗打獵），先放出一隻兔子作為誘餌，然後獵犬就會拚命往前追那會移動的鮮肉了。而長跑陪練員也是在前面跑，其他跑手在後面吊著他的速度，從而培訓出節奏、步速和耐力。
研究邊個係邊個嘅陪練員呢？似乎隱然又含有「教學相長」的意味。
「嗯，我明白，多謝你，阿直。」我只好點頭受教，無培訓資源就要做「菠蘿雞」，一味靠黐㗎啦。
「其實我見你教班細路都教得幾好吖，土直人（潮汕話為人梗直）一個，阿兄都讚你唔錯嘅，麗池嗰度我都想有個後生幫我睇頭睇尾，你比賽完咪繼續留低幫手囉，我跟泳會申請出返份糧畀你嘞。我哋早幾年大陸申請嚟香港，運動員啲資格又唔被承認，要教水搵食又要講關係，又話要埋堆，以前都係阿兄幫我疏通㗎，而家難得有個世侄幫手，唔使煩埋啲政治嘢都不知幾好。」似乎肥直早已經幫我安排一切。
「喂阿直，做兼職有糧出梗係正啦，而家一至五都練水，以前嗰份補習都無時間教推咗喇，你預埋我呀。」有汗出又有糧出，終於久旱逢甘露，事關近日零用都要搵老媽接濟，出街又要嗰個慳妹小富婆照。
（體重79kg，50自30秒，距離比賽尚有3個月）