《我老婆唔係我女朋友》【那些年／學界比賽／真人】 第四章至六章: 【第五章】 個個都游水 唔通個個都識游水咩（３）
「朱Y囉。」馬飛輕描淡寫的說出來。
「吓！！朱Y你都識？！」我嚇得叫了出來，聲浪惹起四周同學不滿，連阿心在車頭也別過頭來看我們這邊。
朱Y是那些年另一位當時得令的美女演員，樣子甜美之餘，一般媒體都會形容她為嬌小玲瓏燈籠大，三色台那齣由她主演的電視劇《都市的童話》，在上星期才剛播出大結局，我媽還說故事只是一般（因為晚上練水、開工，我有好幾年都不在家看電視），意想不到馬飛又識得她；話說她去年演出周星星那套《逃學威龍2》時，一身健康膚色，因而有傳她擅長和喜愛游泳，所以馬飛才說找她去游水而不是叫Gigi。
「唏，冷靜啲～」馬飛待其他人收回敵視的目光後，滋油淡定的說：「以前做『燈頭』時識嘅，佢嗰陣仲讀緊【掩偽】學院，成班同學想去【Canton】嘛，我幫佢哋撲飛啫。」說來言之鑿鑿。
【Canton】是廣東道一家著名的Disco。
「呵～真係可以約出嚟去游水呀？」我感到匪夷所思。
「誒～不如等你練到有返啲信心先啦，到時順便打打氣咪啱晒囉。」他頓了頓再說：「係呢，你會唔會玩埋100、200自呀，200四呀嗰啲呢？以前嗰啲成績又點嘅呢？」馬飛講講吓又問返我參賽情況。
一般泳手參加比賽都會最少報名兩個單項，對應自己平日操練的主項和副項，當然如果兩個項目都有信心和足夠體力，就兩項都會拚盡全力，但如果只想專注一項的話，另一項的比賽就會充當熱身或測試比賽場地了；還記得我中學時是雙料學界冠軍嗎？就是這種組合和安排了；因此馬飛懂得這樣問，證明他有做過功課。