《我老婆唔係我女朋友》【那些年／學界比賽／真人】 第四章至六章: 【第四章】 翻閹泳法（２）
「預備～去！」肥直一聲令下，我自己一個衝塘。
以往這麼多年練水，一直都有隊友在旁給予壓力，原來自己一個人全力衝刺，旁邊無人並駕齊驅時，會有力不從心的奇怪感覺，彷彿明明已經出盡氣力，卻無一個指標告訴你當時的速度是快是慢；具體一點說，猶如你出盡全力向空氣中打出一拳，根本無從評估那拳的破壞力。
「33秒呀。」游完後肥直蹲在池邊跟我說。
「吁…仆街…仲慢過試閘嗰次…吁」我悄聲的自言自語。
可能見我又開始樣衰衰，或者聽到我的呢喃吧，肥直跟我說：「你自己一個游，旁邊無人拍跳，係會慢少少嘅，所以『陪練員』係有佢嘅價值㗎。」看來他非常推崇「拍跳」這種訓練模式。
肥直稍一思索後再問我：「不如講講你頭先唞氣嘅情況係點嘅？」
我隨口的答道：「口吸鼻呼囉…學游水第一日就係呢種呼吸模式啦，唔通用鼻吸水咩～」
「仆街梗係口吸鼻呼啦，我問你有無閉氣，中途分段嘅情況呀！」肥佬忍不住大聲噴我。
「喔…前25（前半池）就打算全閉氣嘅，我以前都係噉嘅，不過而家做唔到，所以前25都唞咗兩次氣，後25（後半池）頂唔順就狂唞囉。」我這才醒水，將呼吸的頻率和比例說出來。
肥直聽完後皺著眉說：「唉～早出日頭唔成天（潮汕諺語少年得志卻一事無成），阿仁哥仔呀，你停咗幾多年無游水呀？」
「誒…都怕有…四五年喇。」我囁嚅著。