《我老婆唔係我女朋友》【那些年／學界比賽／真人】 第四章至六章: 【第四章】 會讀心的心理醫生叫阿心（２）
她愈說愈開心：「嘻，你個蠢蛋又真係好容易俾人睇穿嘅，嗰時初初見我打電話返屋企，你梗係以為我打畀男仔報到啦。嘻，不過呢，你擔心我嗰個樣，又真係俾我知道你真係擔心嘅。嗯～一個對我好又唔怕蝕底，都算忠直嘅人唔係咁易搵到㗎。」
我哭笑不得，只好苦笑：「失敬失敬，原來心姐先係讀心高手，希望我係『忠忠直直，豐衣足食』啦。」
「哈哈，使乜講，如果我轉系讀Psycho，GPA實爆3呀。點呀，做乜唔開心呀？」她一副鬆毛鬆翼的模樣。
GPA（Grade Point Average）是大學採用的一種學科評級，將學科考績（功課、實習和考試）換算成為一個級數，以前我們舊制為四分制：A為4分、B為3分、C為2分、D為1分、F為0分，再按照各科目所佔的學分比例計算所得一個整體的綜合數字，那就是GPA了。所以如果說GAP是4的話，就代表那是個超級學生，每一科都拿A；而坊間的標準一般會評定GPA高於3是成績較好，低於2就是死亡邊緣，當然我們大部份人都是浮游於2和3之間了。
於是我講了今晚試閘的結果給她聽。「我覺得我好渣呀，我想唔玩喇。」
「噉我都知你渣嘅，記唔記得你跳舞時踩咗我幾多次呀。」她仍是十分輕鬆的說著。
「哎呀，我就係笨手笨腳先至去玩啲要重覆練習嘅嘢嘛，仲笑我！」我開始有點忟憎。