《我老婆唔係我女朋友》【那些年／學界比賽／真人】 第四章至六章: 【第四章】 我城隍老坑嘅（１）
我城隍老坑嘅
城隍分舵的教練是個年近50歲的中坑，留二撇雞鬚，梳個蛋撻頭，經常都有個男裝手提包夾在腋下（當年夾在腋下的男裝手提包，近年在韓流文化吹捧下又再翻生，只能說潮流嘅嘢我真係識條鐵咩），可說是其貌不揚，甚至有點猥瑣，典型的「表叔」外表和裝扮，可是他身形魁梧（比我還高少許），走路時挺胸收腹，自有一股氣勢；他以前是國內省一級運動員，後來好像入不了國家隊，輾轉來了香港，自己開貿易公司（我們懷疑是走水貨返大陸的），晚上幫泳會做教練。
說起教練這種角色，大家自然會想到「魔鬼教練」的形象，嚴肅、嚴厲、又嚴格，但我們的教練阿直（潮汕話「阿叔」的意思）絕對是非常教練，為人玩世不恭，達到瘋癲程度，對我們這些學生都口沒遮攔，最喜歡挑機：「喂，死肥柒，你今日擔泥呀，行路拐吓拐吓噉，夠唔夠膽一陣賭支汽水？」
我們當然也不是省油的燈，你不拘小節時，我們自然無大無細：「你鹵味死老坑（有時叫死老嘢，那時候還未有廢中廢老這些稱號的，否則一定毫不猶豫的給他冠名），我使驚你？我畀夠兩支晒你個仆街冷！」唉～你話點會有女校生來練水呢？一陣係人都叫肥花、豬排，又粗口橫飛就死隱得啦。由於他的放任領導，我們城隍分舵是泳壇中有名的粗口會，其他泳會的教練聽到我們出現都會皺眉。