《我老婆唔係我女朋友》【那些年／學界比賽／真人】 第四章至六章: 【第四章】 《男兒當入樽》下的運動熱潮（４）
Leon亦留意到開始上堂，遂邊離座邊說：「無得考慮嘞，今日要交人，我幫你報名先啦，你老冧16813吖嘛。知喇，頭5位我哋同年都一樣㗎啦，有冇得公費走堂，我幫你問問先，再講啦。」怱怱離開班房。他見我欲言又止，以為我想補充學號頭5位（我們的學生編號共10位），其實我是想反對到底的…
突然他返轉頭，拋下一隻白版CD給我。「唏，差啲唔記得畀你，王靖雯嘅《執迷不悔》，超正㗎！下個月先出嘅。」Leon又在他家姐公司，攞了宣傳碟借我聽。
Leon離開後，突然我後面傳來一把聲音：「喂阿仁，你訓練我都無謂啦，我連水都未識游。不過唔怕喎，你參加比賽，我買你贏硬喎。」原來是馬飛條沐契一直坐在我後面那行，明顯整件事給鉅細無遺的全「偷聽」了，難得他又可以忍口一直不作聲。
明知條友「狗口」長不出象牙（上一章分析他是汪星人嘛，真係形神俱全㗎），沒好氣的隨口敷衍：「吓嘛～仆你個街，黎G呢？」
果然他跟著說：「梗係啦，你成個水泡噉，邊有人浮得羸你吖。哈哈…哈哈…肥仔，你贏到比賽我叫埋Gigi出嚟又點話吖。點呀，今日放學唱唔唱K呀？」
雖然已經預計他沒有好說話，仍然不禁要問候馬飛你老母身體好。
之後整節課都魂不附體似的，連看漫畫的心情也沒有，一時想想以前游水的事，一時又對無端要去比賽有點不知所措，總之腦中一片混亂。