交友app日記: Candy
啱啱個死人軒啊，搞到我覆唔到candy仲己讀咗佢，都唔知candy會點諗我。我記得我同曉霖一齊個陣成日己讀佢，搞到我成日比佢鬧。宜家都係快啲搵返佢。
正當我諗住覆佢個陣，佢竟然搵咗我。
Candy：「做咩己讀我，你唔係放咗學咩。」仲加咗個嬲嬲嘅emoji
我冇諗到竟然係佢搵放我先。見佢咁主動搵我，仲搞到我有啲暗爽添。我：「啱啱我個fd係我隔離見到我傾計傾得咁開心係到煩住我，問我同邊個女仔傾計。我費事太明顯未己讀咗你唔覆住囉。唔好嬲啦。」
Candy：「乜你同我傾計個陣咁開心咩。」
我：「少少啦，邊個男仔會唔想有女仔同佢傾計㗎。」
Candy:「講得咁好聽，講明先啊，我唔係靚女嚟，你唔好太大期望。」
我聽到佢話自己唔係靚女個刻係有少少sad咗，但係如果我即刻唔理佢又好似好衰咁。而且，我哋都幾啱傾。算啦，我又唔係靚仔，都唔好太高要求。
我：「你講到我好似外協咁㗎，我唔係啲咁嘅人囉。我都講明先，我都唔係靚仔喎。如果你唔鐘意就走啦。」
Candy：「我又唔係嚟搵男朋友，我嚟kill time啫，洗鬼搵靚仔咩。」
阿媽：「阿仔，快啲開枱食飯啦，你下晝仲要上zoom呀。」
我應完我阿媽之後，為咗唔己讀candy，我同佢講：「我食飯先，遲啲再搵你。」
阿媽：「做咩一返到嚟就係到笑住咁send訊息，係咪有女朋友。」
我：「如果我話我有女朋友係咪有得加零用錢先。如果係我就認咗佢。」
阿媽：「你都痴線嘅，宜家你拍拖又唔係我拍拖。邊有人拍拖靠屋企人㗎。」
我：「咁我都係冇女朋友啦。」
阿媽：「細佬，如果你見到阿哥係學校拍拖，你記住同我講。」
細佬：「我同你講咗我未會比阿哥打死。」
我：「我都費事同你哋吵，快啲食飯好過。」
跟住我用十分鐘時間食咗兩碗飯，就係搵返candy。
我：「我食完飯了。」
我send訊息就見到佢輸入中,candy都真係覆得幾快。
Candy：「咁快食完嘅，我啱啱先放到屋企。」
我：「宜家先返到屋企？你屋企離學校好遠咩。」
Candy:「ok la 我本身諗住撘輕鐵返屋企嘅，但係想坐巴士所以去咗坐巴士。但係點知我趕唔切上車，搞到要等下一班先遲咗啫。」
我：「你冇用巴士app睇時間咩。」
Candy：「有啊。」
我：「咁你見到趕唔切上車仲去撘？去撘輕鐵好過啦，搞到咁遲先返屋企。」
Candy:「咩啊，本身我趕得切㗎。我出學門個陣仆親先遲咗咋。我仆親己經好痛，你乜都唔知就係到話我。」
我：「咁我唔知你仆親啊嘛。」我都遂識到啱啱好似講錯嘢。
過咗半個鐘佢都未覆我，我睇返個message見到佢己讀咗我，唔通佢嬲咗我。我都係講錯少少嘢啫，洗唔洗咁小氣啊。我決定上埋堂先決定點做。