交友app日記: 我嘅第一次
為咗大家清楚文章嘅內容，我宜家講解下HMD嘅玩法先。簡單嚟講，你只要寫個topic，人哋覺得得有趣就會invite你。如果對方法個topic你都有興趣，你就可以accept佢。
=============================================================================================================
入到去，啲人topic都唔係寫topic嘅，個個都係寫身高年紀體重。啲人寫到自己有幾吸引就吸引，話自己190又有，話自己36D又有。咁嘅然係咁，我都將我引以為傲嘅185身高寫上去，希望吸引到多啲人嚟㩒我。
齋等都冇用嘅，我都要主動出擊。而我嘅策略就係分散投資，㩒哂全部睇落好吸引嘅先。唔知係咪太夜，我㩒咗十幾個得一個女仔accept我。佢個topic叫做「04 中上絲 搵人去一齊去OP 」。我見佢搵人去OP好似有機會約佢咁，而且如果佢外貌真係有中上嘅話都溝得過啊。我又唔係有錢或者靚仔，如果仲要外貌協會，呢一世未要做和尚。
啱啱玩我都唔知應該要啲開topic，不過循例都要say返個hi嘅。
我：「hi」
佢；「hi」
跟住我等咗幾分鐘佢都冇再講嘢。仆街啦，我再唔搵啲嘢佢就quit啦。
我：「係喎，點解你會玩呢個app嘅。你想出pool？」我試探性咁問咗一句。
佢：「唔係啊，我純粹嚟kill time咋。咁你又點解用呢個app嘅？」。
我：「都係識係朋友咁囉，有機會都想出嘛pool。」我好保守咁答咗一句，我驚答得太直接嚇走人，始終唔知佢諗緊咩。
佢：「呢個app真係出到pool咩。我傾咗咁耐都冇幾多個可以保持到聯絡，最多一個月就斷咗聯絡。」
我：「我都唔知啊。我今日先開始玩，未乜都試下囉。唔怕同你講，你係第一個accept我邀請嘅人。」
佢：「咁我未好榮幸，攞咗你第一次。」
我：「乜你講到好似攞咗我貞操咁㗎。」我手快快咁打咗呢句，唔知會唔會講得有啲過火。
佢：「痴線啦，你諗埋啲咩啊，咁我真係你嘅第一個網友啊嘛。」
我：「咁真係多謝哂喎。話說咁你玩咗呢個app幾耐。」
佢：「前年己經開始玩，不過中間我delate。」
我：「點解del啊。」
佢：「我啱啱未講咗囉，呢度都搵唔到長傾嘅，好浪費我時間。」
我：「咁你又下載返」
佢：「之前疫情停課日日上zoom好鬼悶，所以未下載返kill time囉。」
我：「唔緊要啦，可能我哋可以長傾呢。」
佢：「希望啦。咁既然想長傾，不如轉app傾。」
我見到呢句之後諗咗勁耐，我作為一個交友app新手冇諗過咁快就同人轉app。而且，如果換ig或者wts佢未會見到我icon囉。我自問唔係特別靚仔，只係一個普通人。如果佢係外貌協會，佢分分鐘會即刻潛水唔理我。 我：「咁快轉app，會唔會有啲快。」
佢：「你唔想就算啦。」
佢都講到咁，如果我唔應承會唔會好小氣。我：「都得嘅，你想轉咩app。」
佢：「你有冇tg」
好彩我有tg帳號，而且我tg平時冇乜點用都冇相睇。我：「好啊，我add你。」
佢：「no 我add你。」
為咗令自己gentleman啲，我只好應承啦。
為咗幾分鐘之後，我電話震咗下。
Candy：「hi」
我：「hi 原來你叫candy啊。」
Candy：「係啊，咁你英文名係咩。」
我：「你叫我hin啦。你點解咁夜仲未瞓嘅，己經一點幾。」
Candy：「我宜家都瞓啦，啱啱仲做緊功課。」
我：「咁早唞啦，聽日再傾。」
Candy：「早唞。」
退出咗tg之後，我諗住再㩒下其他人。不過，㩒咗幾個都冇人accepts 我。可能啲人己經瞓著哂。我見都咁晏所以都放低手機瞓覺。