我接通了來自陰間的電話: 第四十三節

「如果個壺真係寫晒符文，我諗你個仔唔係咁樂觀！」嚴國旋一臉認真的說。
 
唔係咁樂觀？什麼意思？即是說天樂有機會因被困著寫滿了符咒的葫蘆，而最後有機會被弄得灰飛煙滅？
 
「旋哥，你真係要幫幫我，你一定要救我個仔，我十年前已經因為一時糊塗而殺了自己個仔一次，十年後我唔想因為自己搵錯人而要再殺多一次！」我捉著嚴國旋的手不停的哀求著。
 
「我唔係唔想幫你，不過我已經收左山唔再理江湖事架啦！」嚴國旋說。
 
「收山？你之前仲幫我救左被鬼上身嘅李泳兒，你嘅功夫仲響到，點解你要收山？」
 




「總之，你問我我可以答你，但係我真係唔會再出手架啦！」
 
「你仲記唔記得你昨晚臨走時同我講，叫我要用心去對待今次既事，我有用心呀！我可以咩都唔理，任憑自己個仔俾佢地困住，而我自己就可以專心咁去查邊一個係害我既人，但係我知道我唔可以咁做，就算我冇時間去查邊個害我，我都一定要救返我個仔出黎，你明唔明呀？我今次真係可以命都唔要架！我求下你啦！」
 
嚴國旋面露難色，並把目光移向別處，避免與我有眼神接觸。
 
「你唔明架啦，我同佢地都係行家，佢地做緊嘢，我係唔方便插手架！」嚴國旋說。
 
雖然他的解釋合情合理，可是我留意到他的眼神有一刻在動搖著，是什麼原因會讓嚴國旋那麼多顧忌？他們三個人是否有些什麼不可告人的關係？
 




「我再求你最後一次，希望你可以回心轉意！」我離開座位，並在餐桌的旁邊跪求著。
 
在這人來人往的茶餐廳，我這舉動少不免惹來別人歧視的目光，其他人也就著我的行為而竊竊私語。
 
「喂！你癡線架！你快啲起身啦！」嚴國旋不停的拉著我的手臂，示意我站起。，
 
當然，在他未應承之前，我還是一直的跪著。
 
過了不久，或者看到我的堅持，嚴國旋嘆了一聲後說：「事先聲明，即使係我幫手都未必一定搞得掂！你搵我幫手就要有心理準備！」
 




我抬起頭看著嚴國旋說：「即係旋哥你肯幫我？」
 
「係，你快啲坐返上黎先！」嚴國旋不停的拉著我的手示意我起來。
 
我立刻起身，並坐回餐桌上。
 
「我要再講多一次，就算係我出手都未必一定救到你個仔，如果真係衰左你唔好怨我。」嚴國旋一臉嚴肅的說。
 
「我知！我唔會怨你！我只係想救返天樂！」
 
嚴國旋點頭示意之後，我們便繼續吃早餐，或許是我太多疑的緣故，我留意到嚴國旋的眼神多了幾分唏噓；我不知道他是否因為擔心自己的能力不足而在苦惱著，又或者已經在盤算著如何拯救天樂，我只感覺到他的眼神有點傷感，像背後埋藏著很多傷心的往事。
 
「貢隆！」突然之間，天空響起了一下震耳欲聾的雷聲後，便下起大雨來。
 
下雨和灰暗的天色總讓人的情緒變得悲觀起來，如果我在接下來的時間救了自己的兒子後，而沒有時間去找害我的人是誰的話，我的生命就會在這傷感的氣氛下走到盡頭。




 
「走啦！我地要把握時間！」嚴國旋說。
 
「係咪而家就趕過去救天樂呀？」
 
「唔駛咁急住，你而家上我屋企先，我要問一問師公究竟係邊個害你！你個仔只係被人困左一陣，我地仲有時間去救佢，而家首先去幫左你查個原因先。」
 
「師公」這個詞語，對於不曾對靈異之事有研究的我來說，感覺就像神一樣，給予了我充份的安全感。
 
「咁你個住址响邊度？我地要搭的士去嗎？」我說。
 
「我屋企响大尾督嗰邊，我地搭的士去啦。」
 
由於雨勢極大，我們結了帳後，便在餐廳外的位置等候的士，為免氣氛尷尬，我也只好找些話題與嚴國旋聊天。
 




「係呢，你住大尾督邊到呀？你返工會唔會唔方便？」我說。
 
「我住大尾督近誠哥新起個觀音像嗰邊，因為嗰度位置好，所以我地學法之人住响嗰度對於我地練功會事半功倍。」
 
我想起，沈震龍他們住的沙螺洞村也是近著觀音像的位置，或許真如嚴國旋所說，那裡的確是一個人傑地靈的好地方。
 
我們好不容易的上了一架的士，便往嚴國旋的家駛去。