嗰一晚，我用口罩搞咗個人妻: 苦肉計謀

一腳命中後，畸仔不退反進，左手肘格開另一人的手臂後同時直取中門，一拳擊中對方的鼻樑。與此同時，他右掌往前一推再將另一人推開，跟着再用力往仍躺在地上的男人胸上狠狠一踏，務求令對方失去戰鬥能力。

「停手！」帶頭男人大喝。畸仔氣道：「咁快停手？我未打夠喎。」正當他想繼續出拳之際，帶頭男人便說：「有人想見你。」說完便不理畸仔轉頭走回大宅門口。畸仔邊提防其他三人，邊跟着對方走回去，卻見那男人竟打開大宅的閘門，然後回過頭跟畸仔說：「你自己入去啦。」說完便向其他人招手離開。

畸仔站在大宅門口深吸一口氣後，便推開大門。大廳處正坐着阿Sue，當然還有李生和李太。「你身手真係幾好喎。」李生冷然道。畸仔心想：「如果上次唔係畀你哋幾個人偷襲，仲要恃住人多將我㩒住，我邊會畀你哋打到面都腫呀。」只是口裏卻道：「對唔住，外父大人，我唔知佢哋係你嘅人。」

阿Sue狠狠地白了她父親一眼後，便對畸仔說：「你嚟做乜？」畸仔果然是天生演技派，立刻撲在阿Sue的大腿上，極速泌出淚水和鼻涕哭道：「我知道錯喇，我依家至知，你喺我心中嘅地位，你原諒我啦，嗚……」「頂！男人老狗……呀！你做乜摼我個頭呀？」李生摸着剛被他老婆敲了的頭殼埋怨道。

「你咪嘈住先啦，你睇個女就知佢同我一樣心軟。雖然你嗰招苦肉計衰咗，好彩條衰仔又兜得返，但你就麻煩啲囉……」李太狠盯着丈夫悄聲道。



李生愕然問：「我有乜麻煩呀？」李太笑道：「個女本就怪緊你做乜搵嚟女嚟測條衰仔，話你無事生非，家陣你又搵人打佢，等佢過咗啖氣實怪硬你。」

＜待續……＞