嗰一晚，我用口罩搞咗個人妻: 突然出手

回到藥房，阿賢見畸仔竟笑嬉嬉的在跟凌哥談笑風生。阿賢悄悄地走到畸仔背後，然後用力拍在他的背上道：「咦？你咪係畸仔？乜你仲未死咩？」畸仔慘叫一聲後，別過頭來惡狠狠地道：「你唔使咁大力呀？會死㗎！」

「你搞到咁大鑊都未死，又點會咁易畀我拍死呀？睇你個樣……唔通畀你咁快氹返掂阿Sue？」阿賢笑問。畸仔得戚地道：「氹女有幾難呀？我……哎呀！」凌哥邊收回打了畸仔後腦的手邊笑道：「你仲敢亂講，下次你就冇咁好彩喇。」畸仔撫着頭笑道：「係嘅係嘅，我真係用咗九牛二貓之力，先至氹掂佢，發誓都唔知發咗幾次添呀。」阿賢好奇問：「講嚟聽你點氹掂佢嘅。」

原來阿賢昨天追了出去後，便見阿Sue跟未來外父已上了車，於是他便直接坐的士往他們的住處趕去。去到後便狂按門鈴，卻一直不見大閘打開。見他們沒有回來，畸仔便索性坐在他們大宅門口等，卻想不到一等便一直等到晚上八時多。既是急尿又是饑餓，畸仔始終不敢離開門口半步。

這時有四個目光不善的中年男人經過，其中一個盯着阿賢問：「你踎撚咗喺度做乜？喺人哋門口屙屎呀？」畸仔本已心情不好，見對方問得寸嘴便氣道：「關你撚事呀？」男人怒問：「你邊度㗎？」畸仔懶得理他便別過頭去。

那男人跟同夥打了個眼色，便衝前往畸仔的頭踢出一腳。畸仔眼明手快，右手臂一撐再用手掌一握，同時站起右手往上一抬，男人因失去重心便倒在地上。其他人見帶頭男人失手，便將畸仔圍着亂拳亂腳齊施，畸仔寡不敵眾，邊擋邊逃至大宅的轉角處後，突然施出一記回身腳，應聲命中一人胸口。



＜待續……＞