嗰一晚，我用口罩搞咗個人妻: 翻版老豆

「冇……我突然有啲抽筋啫，你哋繼續，唔使理我。」阿賢便偷偷揉着兩條大腿邊道。盧太等人奇怪地看了看阿賢後，便繼續她們剛才的話題。珊姐在阿賢耳邊說：「作死你呀，點解得咁大聲。」阿賢愧然道：「我估唔到你哋會咁講嘛。不過我都係想知點解啫。」

母親嘆了口氣道：「其實你老豆喺同我結婚前都係咁，而你不論個樣同性格同佢一模一樣，有咁嘅事都唔奇……」珊姐接着道：「更何況你都咁大個仔，係時候畀你承擔返責任，自己做得出就要自己孭返，就好似畸仔一樣，有啲嘢要自己承擔返嘅。我哋年紀都大，唔能夠管得你幾耐。」

「點會呢？你哋兩位大美人都咁後生，有排管教我啦，更何況我都好享受畀你哋兩個管教呢。」阿賢說。「你咪三分顏色上大紅嘞。話畀你知呀，我冇所謂，唔代表你做得啱。你知唔知林太個老公係乜嘢人？」母親問。老實說，阿賢真的從沒理會過林生是甚麼人，因為一直以來在他的眼中，林生只是一位有錢的老頭而已。

「知你個衰仔只係掛住溝女。咁啦，為免你真係出事，有機會我幫你八吓。不過呀，你要記住阿儀係個好女仔嚟㗎。」珊姐說。母親點了點頭道：「阿珊，咁就麻煩你喇，個衰仔真係好似唔似，似佢老豆一樣咁鹹濕但又鬼咁蠢。」阿賢奇道：「你頭先講話老豆以前又係咁，咁佢以前係點呢？你以前都唔肯講老豆啲嘢。」母親瞄了阿儀房門一眼後，便跟阿賢說：「睇佢哋有排都未出嚟，咁我就你老豆其中一單風流賬你知啦。」

原來在阿賢仍在肚子裏時，他的父親已然離世，而母親亦極少提及她跟阿賢父親的感情事，更何況是父親的風流韻事，也難怪阿賢從來不知。母親啖了一口湯後便說：「記得嗰時我同你老豆拍咗拖兩個幾月，有晚我諗住去佢屋企度煮飯……」「煮飯？」阿賢陰陰嘴笑問。母親狠狠地捏了他的大腿一下後紅着臉道：「你聽就聽啦！再問嘅話，我就唔講。」阿賢雖痛但仍用力點頭。



＜待續……＞