嗰一晚，我用口罩搞咗個人妻: 點都唔認

一個人吃着悶菜，又滑了好一會手機，但內心仍是想着阿儀和林太，側耳細阿儀的房間，又好像沒有傳出甚麼聲音。正當阿賢神不守舍之際，突然有人在他的耳邊說：「你同林太係咪有嘢？」突如其來的聲音固然嚇了阿賢一跳，而尖銳的問題更令他即刻心跳加速！抬頭一看，原來是珊姐。

阿賢沒即時回答，反而瞟了母親一眼，只見她不但正看着自己，還點了點頭，看來母親和珊姐早便聊過這話題。阿賢不敢直答，悄聲反問珊姐：「你點解咁講？」珊姐看着阿賢雙眼好一會後，便笑道：「咁即係有嘢啦。你哋幾時開始㗎？」阿賢仍強辯道：「我幾時有話過同佢有嘢喎。」

珊姐在枱下狠捏了他大腿一下道：「仲想狡辯！你阿媽早就懷疑你哋兩個有嘢，而頭先林太嚟到後，從你嘅表情，佢更加肯定。乜你冇聽過知子莫若母咩。話個秘密你知，其實大力威見到過你哋一齊上的士。先講明，呢單嘢我冇同你阿媽講，只係根據荷蘭威嘅形容，我懷疑係林太啫。家陣根據你阿媽嘅懷疑，同埋你嘅神情，咁我肯定嗰晚同你一齊上的士嘅一定係林太。」

阿賢邊揉着大腿邊盡最後努力抗辯道：「邊晚呀？我唔知嘅。」珊姐再捏一下他的大腿道：「你仲唔認？你哋有晚約咗喺藥房附近間Cafe度等，跟住你收工後就去搵佢，然後就一齊搭的士走，係咪？」阿賢聞言便心想：「頂你嗰荷蘭威！見到咪算囉，仲要篤我出嚟！果然叫得荷蘭乜嘅人都係咁賤𨳊格！」想還想，但看着珊姐灼熱的目光，與母親那凌厲的眼神，阿賢只好……硬撐！

想不到話還沒說出口，母親突然坐過來在他耳邊說：「我覺得冇所謂嘅。」「吓？！」阿賢以為自己聽錯！再問母親：「你講乜嘢？」母親微笑道：「我話冇所謂呀。」阿賢再回頭望了一望珊姐：「我有冇聽錯？」珊姐笑道：「我同你阿媽都覺得冇所謂。」阿賢雙手夾着左右臉頰，露出驚訝的表情，忍不住再大聲問：「我有冇聽錯呀？點解嘅……哎呀！」原來珊姐和母親同時用力捏他大腿！「做乜呀？」盧太等人均停下聊天，盯着阿賢奇道。



＜待續……＞