嗰一晚，我用口罩搞咗個人妻: 小姐你是？

如坐針氈的阿賢好不容易等到四點，極速衝到灣仔街市，買好了蟹便衝上母親的家。「咦？佢未到嘅？唔通我太早嚟？」阿賢進屋後便到處尋找林太的倩影。母親見阿賢不打招呼卻到處張望，便說：「你搵邊個呀？哎呀！唔記得同你講，林太今晚有啲事嚟唔到，應該買少啲蟹。不過唔緊要啦，今晚仲有個神秘人嚟，記得佢應該都鍾意食蟹。」聽到林太今晚不來，阿賢內心雖深感失望，但表面上卻努力裝作滿不在乎的問：「神秘人？」

正所謂「知子莫若母」，縱使阿賢裝着沒所謂，卻怎逃得過母親的法眼，只是珊姐、李太等人均再，不便好好地查問，便詐作不知的答：「等陣你就知，我同你一齊劏蟹啦。」阿賢卻將母親推出廚房道：「你同珊姐佢哋打麻雀啦，煮好飯會叫你哋開飯喇，你哋打住麻雀等，等陣你哋好好咁試吓我嘅手勢。」母親點頭說好後，便走回麻雀枱處去。

雖然阿賢神不守舍的，但仍有條理地煮蟹做菜，而正當他想着為甚麼林太不來之際，突然有人從後環抱他的腰，而背部傳來被兩團肉壓着的感覺，來者應是個女人！「唔通係林太？」阿賢正想叫出口，怎料轉身後卻是個相當臉熟的女人。白晳皮膚，瓜子臉形，靈動的大眼睛，長長的睫毛，小巧的嘴唇，低胸衫下露出的乳溝，迷你裙下露出的一對修長美腿，美女啊，但她是⋯⋯

女人看阿賢一副呆樣，不滿地嗲道：「你真係唔認得我呀？枉我咁多年嚟都咁掛住你，哼！」說完便鼓着臉腮並繞起雙手。「你係⋯⋯哦！儀姐！」阿賢恍然叫道。

儀姐，全名陳淑儀，比阿賢年長三歲，原是阿賢舊居對面的鄰居，只因她的因為父母都要在美國工作，而本來照顧她的祖母又因急病過身關係，所以自她6歲開始，她的父母便拜託阿賢的母親幫忙照顧，亦因此兩人不但自小便玩在一起，還同床共寢了10年。直到阿賢15歲那年，她的父母終於取得綠咭，便決定接她到美國定居。在她移居美國後，最初的兩年兩人仍有Email聯絡，只是後來因時差及各有各忙，便漸漸少了聯絡，但其實她仍經常跟阿賢的母親有聯繫，只是阿賢不知道罷了，因此阿賢此刻見到她時，才一時間想不出她是誰。



＜待續……＞