嗰一晚，我用口罩搞咗個人妻: 期待那天

想到個多星期後，可能會再見到林太，阿賢內心又開始雀躍起來，因為他想到反正自己不過是個地位低微的普通人，甚麼黑材料，甚麼淫媒都跟他沒關係。愈想愈覺得沒甚麼大不了的他，心思開始放回林太的身上，尤其是回想起那一夜，那一夜跟她共進晚餐，那一夜的溫馨浪漫，那一夜的四目交投……真是從沒如此期待過到母親的家吃飯啊！

一切算是回復到常軌，除了阿Sue每天都會來店內長駐，嘴上說是想跟畸仔培養感情，但各人都心知這是在監視畸仔，因為縱使畸仔已說跟其他的女人撇清關係，但誰知暗底裏還有沒有其他的女人呢？更何況珊姐都沒說甚麼，凌哥覺得反正又不用支薪便多了個幫手，而阿Sue樣貌亦相當標緻，這一對金童玉女也自是個生招牌，至於阿賢嘛，更不關他的事。

「阿賢！你記住今晚早啲收工嚟食飯，班阿姐個個話想試吓你嘅手勢，啲材料等陣你Whatsapp畀我，等我哋買定先。呀！係喇！你阿媽同林太都話想食蟹，咁你等陣買埋再上嚟啦，OK？」珊姐說。阿賢詐問：「林太？邊個林太？」「嗰晚坐喺你側邊個林太呀，同你阿媽一齊學焗蛋糕嗰個囉。我唔同你講喇，我過去先。等陣你四點度好收工喇，我同老細講咗㗎喇。」然後珊姐回頭跟阿Sue說：「你就同畸仔兩個睇舖啦！畀個機會你哋孤男寡女一下喇。」阿Sue聞言即甜甜一笑，只是畸仔卻嘆了口氣。

阿賢才懶得理他們，心裏只是想：「原來今晚林太都嚟呢！唔知冇見個星期，佢有冇掛住我呢？」阿賢邊想邊露出會心微笑，卻被畸仔看到。畸仔笑問：「賢哥做乜笑淫淫咁，今晚有靚女咩？」阿賢將他推開說：「邊有呀，只係諗到今晚炒蟹畀阿媽食，就覺得開心啫。」說完這句話，阿賢禁不住心中默念：「對唔住阿媽，搵咗你嚟過橋。」畸仔正想追問，可是阿Sue已搶着說：「你咪咁八卦啦，等陣我哋嗌乜嘢外賣……」

＜待續……＞