嗰一晚，我用口罩搞咗個人妻: 呢次大鑊

珊姐果然怒意再生：「哦！原來你知道阿Sue，咁你知唔知佢係邊個嚟？」阿賢當然詐作不知，而珊姐便說：「佢係李太個女嚟呀！個仆街仔搞完人哋個女，仲帶人哋去私奔，搞到李太個老公發散人去刮佢哋，結果畀佢哋搵到，原來阿Sue同埋條仔去咗長洲度住！佢老公帶埋班𡃁加埋李太一齊去長洲刮佢哋，佢至發現原來個女條仔就係畸仔！佢個女得嗰18歲，李太梗係當堂嬲到飛天，佢老公仲滾，想搵人劈畸仔，於是李太就打電話畀我，然後我衝去長洲搵佢哋。今次好啦！搞出咁大鑊嘢。你哋知唔知李太個老公係乜嘢人嚟？」阿賢當然不知，珊姐便續道：「佢老公總之唔係好人嚟，畸仔呢鋪真係唔知點收科。」

阿賢急問：「咁畸仔依家喺邊？」珊姐說：「佢畀李太個老公夾咗去一間村屋，話要好好咁審佢。唉……」阿賢驚問：「咁使唔使報……？」珊姐搖頭說：「冇用㗎。不過，好彩阿Sue佢好鍾意畸仔，應該可以幫佢求吓情，但皮肉之苦一定少唔到。都早叫你哋唔好亂咁搞女人啦！講極都唔聽。」然後珊姐想了一想後，便問阿賢：「你仲有冇搵Maria呀？」阿賢搖了搖頭：「佢打過一次電話畀我，但我拒絕咗佢畀佢Cut線後，佢就再冇搵過我。我記得你同我講過佢唔係好人嚟嘛。」珊姐滿意地點了點頭後便走開了。

不知從哪裏攝出來的凌哥，把阿賢拉到一旁問：「你聽到珊姐講啦，你知唔知發生乜嘢事？佢尋晚返到嚟就嘈到拆天，又話我唔好好咁管住你哋。」阿賢無奈道：「呢單嘢唔關我事㗎，我只係知道個阿Sue自己搵畸仔，仲自己送埋上門，結果佢哋咪乜嘢咗囉。不過話時話，畸仔會唔會有危險㗎？」凌哥搖頭說：「呢層好難講，因為李太個老公我都識，佢不知幾咁錫個女，當然有條友追佢個女，畀佢打到豬頭咁，畸仔呢鋪睇怕都差唔多。」當凌哥走開後，突然有股清新的香水味飄進阿賢鼻裏，當他回頭一看，這不是林太？

林太明顯經過悉心打扮，黑色低胸連身迷你裙加皮褸，成熟得來又性感，配合一對短靴，顯出她那對修長美腿，外形一點看不出剛生完小孩不久，看得阿賢不急有心跳感覺。不過由於阿賢怕被珊姐看見林太，便拉着她到店外並問：「你走嚟做乜？」

＜待續……＞